Osylaısha, shetelden Qazaqstanǵa avıareıstermen keletin adamdarǵa qatysty shekteý sharalary bylaısha ózgertildi:
- Shetelden Qazaqstanǵa avıareıstermen kelgen barlyq adamdar (5 jasqa deıingi balalardy, olardy alyp júretin adamdarda anyqtama bolǵan kezde; QR úkimettik delegasııalaryn; QR SIM shaqyrýy boıynsha keletin shet memleketter men halyqaralyq uıymdardyń resmı delegasııalarynyń múshelerin; QR-da akkredıttelgen dıplomatııalyq ókildikterdiń, konsýldyq mekemelerdiń jáne halyqaralyq uıymdar ókildikteriniń qyzmetkerlerin jáne olardyń otbasy múshelerin; áýe kompanııalardyń ekıpajdaryn qospaǵanda) termometrııadan, saýalnamadan ótedi jáne QR Memlekettik shekarasyn kesip ótken sátte 3 táýlikten erte emes iriktelgen PTR ádisimen COVID-19-ǵa testileýden ótkeni týraly anyqtamany (budan ári – Anyqtama) usynady.
- Halyqaralyq tranzıtpen júretin jolaýshylar tranzıttik aımaqtan shyqpaıdy jáne sońǵy mejeli pýnktte shekteý sharalaryn júrgizýge jatady.
- Dene qyzýy normanyń sheginde kelgen, anyqtamany usynǵan adamdarǵa tıisti qolhat ala otyryp, covid-19 yqtımal belgileri týraly túsindirý júrgiziledi, olar belgilengen jeri boıynsha júrýdi jalǵastyrady.
- Dene qyzýy joǵary kelgen adamdar anyqtamanyń bolýyna qaramastan ınfeksııalyq stasıonarda oqshaýlanýǵa jatady.
- QR-ǵa kelgen azamattar, Qazaqstan Respýblıkasynyń aýmaǵynda turýǵa yqtııarhaty bar adamdar anyqtama bolmaǵan kezde PTR ádisimen covid-19-ǵa zerthanalyq tekserý úshin karantındik stasıonarǵa 2 táýlikke oqshaýlaýǵa jatady. Covid-19-ǵa zerthanalyq tekserý nátıjelerin alǵannan keıin COVID-19-ǵa teris nátıjesi bar kelgen adamdarǵa tıisti qolhat ala otyryp, COVID-19 yqtımal belgileri týraly túsindirý júrgiziledi. COVID-19-ǵa oń nátıjemen kelgen adamdar ınfeksııalyq stasıonarǵa jatqyzylady.
Osy qaýly 2020 jylǵy 27 qazan saǵat 00-de kúshine enedi.
Qazaqstannyń týrıstik kompanııalary óz qyzmeti barysynda basshylyqqa alýy jáne kútpegen jaǵdaılardy boldyrmaý úshin syrttan keletin týrısterge qoıylatyn joǵaryda kórsetilgen talaptardy eskerýi qajet.
