Zoom platfomasynda ótken sharaǵa Qazaqstan Syrtqy ister mınstrligi Konsýldyq qyzmet departamenti qazaq dıasporasymen jumys isteý basqarmasynyń basshysy Muhtar Káribaı, Aqparat jáne qoǵamdyq damý mınıstrliginiń Etnosaralyq qatynastardy damytý komıtetiniń tóraǵasynyń orynbasary Erkin Úısinbaev, «Otandastar qory» KeAQ vıse-prezıdenti Maǵaýııa Sarbasov, Dúnıejúzi qazaqtarynyń qaýymdastyǵynyń baspasóz hatshysy Syrymbek Tóleý halyqaralyq Túrkistan gazetiniń bas redaktory Qýat Áýesbaı jáne álemniń 30-ǵa jýyq elinen qandastarymyz qatysty. Onlaın júzdesý barysynda alystaǵy aǵaıynmen rýhanı-mádenı hám aqparattyq baılanys ornatý máselesi talqylanyp, Túrkistan gazetiniń qandastarǵa arnalǵan Atajurt jobasy tanystyryldy. Sonymen qatar, sheteldegi mádenı ortalyqtardyń jetekshileri de óz usynys pikirlerin aıtty.
Eske sala keteıik, el egemendik alǵaly Qazaqstanǵa 1 mıllıonnan astam (307 339 otbasy) qandasymyz kóship kelgen. Elge oralǵan aǵaıyndy qoldaý maqsatynda Nur Otan partııasy, Dúnıejúzi qazaqtarynyń qaýymdastyǵy jáne "Otandastar" qorynyń birlesýimen Túrkistan gazetinde qandastarǵa arnalǵan Atajurt jobasy qolǵa alyndy. Jyl basynan beri gazet tilshileri Atajurt jobasymen qandastar kóp shoǵyrlanǵan Aqmola, Qaraǵandy, Qostanaı, Soltústik Qazaqstan, Shyǵys Qazaqstan, Atyraý jáne Mańǵystaý oblystaryna arnaıy issaparmen baryp, ondaǵy qandastarǵa qatysty ózekti máselerdi kóterip keledi.
