“Sizder – ózine senetin, birneshe tildi meńgergen, jahandyq aqparattyq qoǵamdastyqtyń tetigin ıgergen bilimdi, talantty, kreatıvti Qazaqstan jastarynyń ókilisizder. Men bolashaq urpaqqa sizderdiń úlgi bolatyndaryńyzǵa óte qýanyshtymyn. Elbasy kitaphanasy jas qazaqstandyqtardyń tárbıesi men bilimine basym mán berip, otandyq jáne halyqaralyq jobalardyń damýy men óristeýine belsendi at salysady. Kitaphananyń saıtynda “Uly dala tarlandary” aqparattyq jobasy iske qosylǵan, onda túrli materıaldar sonyń ishinde “Qazaqstannyń 100 jańa esimi” jobasynyń fınalısterimen vıdeokezdesýler de bar. О́z tabysyńnyń qupııasymen bólisý - bul óte mańyzdy is, jáne biz jas qazaqstandyqtar arasynda aqyldy, perspektıvti, kreatıvti jáne maqsatqa umtylǵysh lıderlerdiń baryna óte qýanyshtymyz”, dedi onlaın-kezdesý qatysýshylaryna aıtqan alǵysózinde Ámirhan Rahymjanov.
“Qazaqstannyń 100 jańa esimi” jobasynyń qalaı damyp kele jatqanyn joba kýratory Bıbigúl Qulaman tarqatty. Ol Elbasy Kitaphanasymen tıimdi seriktestik týraly sóz etip, qoldaý úshin alǵysyn bildirdi.
“Qazaqstannyń 100 jańa esimi” jobasy pandemııaǵa qaramastan jumysyn jalǵastyrýda. Elbasy kitaphanasyna “Uly dala tarlandary” jobasy úshin alǵys aıtqymyz keledi, sebebi onyń jeńimpazdarynyń esimi jan-jaqqa tarady. Aıtpaǵym, Elbasynyń bastamasymen qurylǵan joba jastardyń basym kóbine qarqyndy máre bola aldy. Árqaısysy qazaqstandyq qoǵamnyń damýyna úles qosa alatyn self-meıd. Bizdiń jeńimpazdar Qazaqstan atyn bar álemge tanytýda. Imanbek Zeıkenov, Áıgerim Berekeshova, Aıjan Júzbaı jáne taǵy basqalary. Árqaısysy eńbegimen baǵaly, qundy”, dep atap ótti B.Qulaman.
Tabıǵaty erekshe balalar arasynda qazirgi ýaqytta ınklıýzııa men bilimge degen qarym-qatynastyń qalaı ózgerip jatqanyn joba fınalısi Nurgúl Uljekova aıtty. 2016 jyly múddelestermen birge ol “Teń múmkindikter álemi” qoǵamdyq birlestigin qurǵan edi. Qazirgi ýaqytta Nurgúl erekshe balalardy memlekettik júıeli qorǵaýdy maqsat etetin zańnamalyq jumysqa qatysýda.
“Biz qadamymyzdy senimdi basyp kelemiz. Búginde birqatar qalada erekshe balalarǵa arnap tegin beıimdeý sport seksııalary ashyldy. Bul seksııalar búldirshinderge ishki kedergilerdi joıýǵa kómektesedi. Árkim teń múmkindikter áleminde ómir súrýi tıis. Biz bul túsiniktiń keń etek jaıǵanyn qalaımyz. Sondyqtan “Qazaqstannyń 100 jańa esimi” jobasyna qatysý jumysymyzdyń tıimdiligin arttyrýda jáne erekshe balalardyń máseleleri týraly qoǵamǵa meılinshe keńirek jetkizýde óte mańyzdy kezeń boldy”, deıdi N.Uljekova.
Beıbitshilik pen tynyshtyq, Qazaqstandaǵy ultaralyq tatýlyq modeli Taıaý Shyǵystaǵy memleketter negizinde osynaý názik máseleniń úlgisi bola alǵanyn áskerı dáriger, podpolkovnık, “Qazaqstannyń 100 jańa esiminiń” fınalısi Sáýlet Qaldashov aıtty. Ol BUU-nyń Lıvandaǵy mıssııasy quramyndaǵy áskerı qaýyrt kúnderiniń esteligimen bólisip, Tuńǵysh Prezıdent N.Á.Nazarbaevtyń bastamasymen jasaqtalǵan joba - bul óz Otanynyń naǵyz patrıottarynyń sınenergııasy dep atap ótti.
“Qazaqstannyń 100 jańa esimi” jobasy jerin, elin shyn súıetin, onyń ıgiligi úshin aıanbaı ter tógip júrgen jandardyń esimin halyqqa pash etti. Bul jandar – qoǵamnyń damýyna eńbek sińirip júrgen ulttyń janashyry, naǵyz patrıot azamattar. Bul jetistikterdi saqtap qalyp, jerimizdi syn-qaterden qorǵaýymyz shart. Qazaqstannyń jarqyn da beıbit keleshegi bizdiń qolymyzda”, dep málimdedi S.Qaldashov.
Onlaın-kezdesýge sondaı-aq joba fınalısteri Elnara Baınazarova, Nazgúl Jákenova, Malıka Muhtarova, Dına Baıtasova, Ashat Sádýov, Rústes Erǵalı, Aıjan Júzbaı, Ildar Iаgıaev qatysty.
Kezdesý sońynda Elbasy kitaphanasynyń dırektory, saıası ǵylymdardyń doktory, professor Ámirhan Rahymjanov suhbattasýshylarǵa qatysqandary úshin alǵys bildirip, jobanyń ár jeńimpazy tájirıbesi men tarıhy qazaqstandyq jastar úshin myqty motıvasııa bola alatynyn alǵa tartty.
