Sýretti túsirgen avtor
«Qazgıdromet» RMK ókilderiniń uzaqmerzimdi boljamyna sáıkes, bıylǵy qarashada aýanyń ortasha temperatýrasy ádettegideı, al jeltoqsannan keler jyldyń qańtaryna deıin aýa temperatýrasy normadan 1°S joǵary bolady dep kútilýde. Osy kezeńde oblystyń soltústiginde, soltústik-batysynda jaýyn-shashyn mólsheri ádettegi normadan joǵary bolýy yqtımal.
Sınoptıkterdiń boljamyna sáıkes, qar basyp qalatyn 314 ýchaske belgilengen. Onyń 69-y uzaqtyǵy 192,6 shaqyrym bolatyn respýblıkalyq jáne 245-i jalpy uzyndyǵy 302,314 shaqyrymdy quraıtyn oblystyq mańyzdaǵy avtojoldar. Bul joldardyń boıyna 19 jylytý beketteri uıymdastyrylǵan.
– Barlyq qar qursaýynda qalatyn jol ýchaskelerinde uzyndyǵy 17 myń metrden asatyn qar toqtatatyn qalqandar ornatyldy. Respýblıkalyq kúre jolda 4 medısınalyq-qutqarý beketi jumys isteıtin bolady. Sonymen qatar olar jylytý pýnktteri qyzmetin de atqarady. Al joldardyń jaǵdaıyna keler bolsaq, respýblıkalyq mańyzy bar trassalardyń qar tazalaý tehnıkasy 90%-ǵa daıyn, – dedi «Qazaqavtojol» JShS oblystyq fılıalynyń bas ınjeneri Bolat Jurtpaev.
Qar tazalaıtyn tehnıkalar qatarynda avtogreıderler, shnekorotorlar, shynjyr tabandy jáne dóńgelekti traktorlar, tıegishter, avtotúsirgishter bar. Bulardyń jalpy sany 500 birlikten asady. Sondaı-aq 19 myń tonnadan astam kóktaıǵaqqa qarsy materıaldar qory jáne 844 ýaqytsha jol belgisi daıyndalǵan. Qolaısyz aýa raıy jaǵdaıy kezinde jedel ózara árekettesý úshin qyzmetter arasynda josparlar ázirlengen.
Brıfıng barysynda óńirde 100 shaqyrymnan astam jol qar kóshkinine ushyraýy múmkin ekendigi de aıtyldy. О́ıtkeni Shyǵys óńiri – qar kóshkini jıi júretin qaýipti aýmaqtardyń biri. Kóshkin qaýpi bar ýchaskelerde kóshkin túsý qaýpin azaıtýda atqarylǵan jumystar jáne qysqy kezeńge daıyndyq týraly oblystyq TJD Azamattyq qorǵanys basqarmasynyń bastyǵy Tımýr Dıdahmetov málimdedi. Onyń aıtýynsha, qazirgi kezde oblys aýmaǵynda qar kóshkini qaýpi bar 497 ýchaske anyqtalyp otyr. Sonyń ishinde 336 ýchaske jol nysandary adamdardyń ómirine asa qaýipti dep sanalady. TJD boljaýynsha, 105 shaqyrym avtokólik joly qar kóshkini qursaýynda qalýy múmkin aýmaq.
– Qarashadan bastap kún saıyn kóshkin qaýpi bar ýchaskelerge tekserý júrgizemiz. Barlyq aqparattardy jınap, taldaýdy jáne qaýipti tabıǵı apattar men tótenshe jaǵdaıdy baqylap, tıisti sheshim qabyldaýdy táýlik boıy 6 dıspetcherlik beket júzege asyrady. Oblys turǵyndaryn eskertý maqsatyndaǵy qalqandar men «saq bolyńyzdar, qar kóshkini qaýpi bar aımaq» degen jazýy bar plakattar ornatyldy. Bıyl «Zýbovka» taýynda qar toqtatatyn qalqandarǵa jóndeý jáne abattandyrý jumystary júrgizildi. 10 núktede qar ustaıtyn 66 qalqan turǵyzyldy, – dedi Tımýr Dıdahmetov.
Oblystyq TJ departamenti «Qazgıdromettiń» aımaqtyq fılıalymen birlesip, uıaly baılanys operatorlary kómegimen SMS habarlamalar jiberý jáne kez kelgen azamat paıdalana alatyn DARMEN mobıldi qosymshasy arqyly daýyldy, qolaısyz aýa raıy jaǵdaıyn eskertý boıynsha aqparattar taratatyn bolady.
Qysta apattyq-qutqarý is-qımyldaryn júrgizý úshin TJD rezervinde 150-den astam tehnıka bar. Onyń ishinde qar qursaýynda jıi qalatyn aýdandarǵa jumyldyrýǵa arnalǵan órt sóndirý avtosısternalarynan, jol talǵamaıtyn, vahtalyq kólikterden basqa, baılanys jáne jaryq berý kólikteri, sondaı-aq «Nıva-Marsh», «Trekol», «Sherp» syndy tehnıkalar qys maýsymyna saqadaı saı.
Budan basqa shuǵyl kómek kórsetý úshin О́skemen áýejaıynda «Qazavıaqutqarý» bólimshesiniń bir «Evrokopter-145» tikushaǵy daıyn tur. Oblystyq TJ qyzmeti jeke quramynyń sany eki myńnan asady.
Qystyń kúni jolǵa shyqpas buryn barlyǵyn muqııat josparlap, kez kelgen jaǵdaıǵa daıyn bolǵan jón. Ár avtokólikte shuǵyl jaǵdaıda adam ómirin qutqaratyn zattar bolýy tıis. Mysaly, shamdar, arqan, dóńgelekterge arnalǵan shynjyrlar, kúrek syndy qajetti zattar.
Shyǵys Qazaqstan oblysy
