Qoımada dári-dármek jetkilikti me?

Densaýlyq saqtaý basqarmasynyń málimetine qaraǵanda, medısınalyq mekemelerde koronavırýs ınfeksııasyna qarsy preparattardyń jetkilikti qory jasaqtalǵan. Jeke qorǵanysh quraldary apta saıyn úzdiksiz jetkiziledi. Al qaýipti indetke shaldyǵyp, em alyp jatqan naýqastar úshin amıkasın, azıtromısın, natrıı geparıni, deksametazon, deksamedetomıdın sekildi basqa da antıbıotıkterdiń birneshe túri bar. Alaıda monıtorıngtik toptyń músheleri №3 Atyraý qalalyq emhanasyndaǵy jaǵdaıdyń basqasha ekenin anyqtady. О́ıtkeni, olar emhanaǵa kireberisinen-aq medısınalyq betperdeniń bolmaǵanyna kóz jetkizgen. Al jaýapty qyzmetker betperdeniń qazir ǵana taýsylyp qal­ǵa­nyn aıtqan. Qaladaǵy 4 900 turǵynǵa qyzmet kórsetetin emhananyń qoryndaǵy keıbir dári-dármektiń sany jetkiliksiz bolyp shyqqan.

– Mamandardyń aıtýynsha, máselen «Ksarelto» tabletkasy men «Deksa­me­ta­zonnyń» shamamen eki aıǵa jetkilikti mólsheri 5 myń dana bolýy qajet. Mun­da­ǵy qoımada atalǵan dárilerdiń tek 10 dana qoraby bar. Atalǵan emhananyń dırektory Aıman О́tegenova ózge dári-dármekter birinshi qabattaǵy dárihanada baryn málim etti. Biraq, monıtorıngtik top músheleri bul jaýapqa qanaǵattanbaı, qoımadaǵy qajetti dári-dármektiń qo­ryn áli de tolyqtyrý qajettigine nazar aýdardy, – dep habarlady óńirlik departamenttiń baspasóz qyzmeti.

Qoǵamdyq baqylaýshylar toby «SQ-Farmasııa» mekemesiniń Atyraý oblysyndaǵy qoımasynan dári-dármekti de, jeke qorǵanysh quraldaryn da taba almady. Bir tańdanys týdyratyn másele – Atyraý oblysyna berilýi tıis eki aılyq dári-dármekter Aqtóbe oblysynda saqtalatyny. Nege bulaı? Munyń sebebin atalǵan mekeme ókilderi túsindire almaıdy.

Osyndaı olqylyq oblystyq kardıo­lo­gııalyq ortalyqta da kezdesip otyr. О́ıtkeni munda da koronavırýs ınfeksııasyn juqtyrǵan naýqastardy emdeý­ge qoldanylatyn dári-dármektiń eki aılyq qory qoımaǵa jetkizilmegen. Ortalyq dırektory Marat Qonysovtyń pikirinshe, qaýipti indetti juqtyrǵan naýqastardy kardıologııalyq aýrýlarǵa arnalǵan dári-dármekpen emdeýge bolady eken.

О́ńirdegi medısınalyq uıymdardyń qoımasynda saqtalǵan dárilik zattardyń eki aılyq qoryna qatysty oblystyq densaýlyq saqtaý basqarmasynyń us­ta­nymy qandaı? Shynymen de ah­­­ýal dál osylaı qalyptasyp otyr ma? Emhanalar dári-dármekpen tolyq qam­tyldy ma? Álde... Basqarmanyń baspasóz qyzmeti taratqan aqparatqa súıensek, Densaýlyq saqtaý mınıstr­li­giniń №666 buıryǵy bar. Onda koronavırýs ınfeksııasyn emdeý úshin ambýlatorııalyq dári-dármektermen qamtamasyz etý kózdelgen. Soǵan sáıkes, osy jyldyń 20 shildesinde emdeý tizimine úsh antıkoagýlıant pen eki qyzý túsiretin dárilik preparat engizilipti. Qazir oblysqa atal­ǵan preparattardyń 194 460 danasy áke­­lingen. Iаǵnı bul dárilik zattardyń bar­lyǵy bastap­qy medısınalyq sanı­tar­­lyq uıym­dar­dyń qoımalarynda saq­taý­ly tur.

– Al Atyraý qalalyq №3 emhanaǵa qatysty aıtar bolsaq, 53 380 dana dárilik zat qorda tur. Pandemııanyń birinshi tolqynynda atalǵan emhana tirkelýshileriniń 1 paıyzy ǵana koronavırýs ınfeksııasyna shaldyqqan. Osy kórsetkishti eskersek, №3 emhananyń qoımasynda qazir tirkelýshilerdiń 7 paıyzyna jetetindeı dárilik zattar bar. Emhanaǵa kelgen top emhanadaǵy kúndelikti dárini ǵana qaraǵan, – deıdi oblystyq densaýlyq saqtaý bas­qar­masynyń medısınalyq kómekti uıym­das­tyrý jáne lısenzııalaý bóliminiń basshysy Nına Ospanova.

Onyń aıtýynsha, monıtorıngtik top negizgi qoımaǵa barǵan kezde «SQ-Farmasııa» JShS ókili operasııalyq qoımaǵa dárilik zattar tek medısınalyq uıymdardyń suranysyna sáıkes ákelinetinin alǵa tartqan. Batys óńiri úshin dárilik zattar Aqtóbe qalasyndaǵy qoımada saqtalady. Atyraý oblysyndaǵy fılıaldyń su­ra­nysyna saı dáriler ár aptanyń sár­sen­bisinde ákelinedi. Monıtorıngtik top qoımadaǵy dárini oblystaǵy medı­sı­nalyq uıymdarǵa taratyp, qoımanyń bosaǵan kezine tap kelgen-mis.

– Qordaǵy dári máselesi kóterilgende Densaýlyq saqtaý mınıstrligi jáne «SQ-Farmasııa» JShS basshylyǵymen habarlasyp, Atyraý oblysyna tıesili dárilik zattardy óńirdegi qoımaǵa ákelip qoıý týraly sóılesken edik. Biraq, olar Atyraý oblysyndaǵy emhanalar men qoımada qajetti dárilik zattardyń jetkilikti ekenin alǵa tartyp otyr. Máselen, 21 qazanda «SQ-Farmasııa» JShS qoımasyna 35,6 mln teńgeniń 80 túrli dárisi ákelindi, – deıdi Nına Ospanova.

Oblystyq densaýlyq saqtaý basqar­ma­synyń málimetine súıensek, oblys ákiminiń tapsyrmasymen, sondaı-aq demeýshilik qoldaýmen «Ińkár» JShS arqyly 251 mln teńgeniń dárilik zattary alynypty. Bular Atyraý qa­la­sy­nyń Geolog kentindegi emhananyń qoı­masynda saqtaýǵa qoıylypty. So­nymen birge «Atyraý» áleýmettik ká­sipkerlik korporasııasy» AQ arqyly 500 mln teńgege dárilik zattardyń tó­men­demeıtin turaqtandyrý qory jasaq­taldy. Qazir bólshek saýdamen aına­lysatyn dárihanalar úshin eki-úsh aılyq dárilik zattardyń qory «Ińkár» JShS qoımasynda saqtaýly eken.

Atyraý oblysy