Tabıǵat qorǵaýshylarynyń tuńǵysh syılyǵy tapsyryldy

Sharaǵa Ekologııa, geologııa já­ne tabıǵı resýrstar mınıstrligi (EGTR) men «Respýblıka. Aımaq. Da­mý» qoǵamdyq qory uıytqy bol­dy.

Marapattalýshylarǵa syılyq­ty EGTR mınıstri Maǵzum Myr­zaǵalıev, Máde­nıet jáne sport mınıstri Aqtoty Raıym­qu­lova, Senator Nurtóre Júsip, Má­ji­lis depýtattary Pavel Kazansev, Olga Shıshıgına, Mıkaelıan Narıne, Halyq Qaharmany Aıdyn Aıym­betov, Olımpıada chempıony Vasılıı Levıt, Nur Media hol­dınginiń basshysy Bolat Kalıan­bekov jáne basqa da qoǵam qaırat­kerleri tabystady.

«Elimizde Prezıdentimiz Qa­sym-Jomart Toqaevtyń bas­ta­masymen tuń­ǵysh ret orman sha­rýashylyǵy men janýar­lar álemin qorǵaý salasyndaǵy «Elim-aı» syılyǵyn tapsyrý arqy­ly biz saladaǵy úzdik mamandardy, janýar­larǵa, jabaıy tabıǵatqa, ekologııaǵa jany ashyp, óz erikterimen qoǵamdyq isterdiń basynda júrgen azamattardyń eńbegin atap ótkimiz keldi», dedi Eko­logııa, geologııa jáne tabıǵı resýrs­tar mınıstri Maǵzum Myr­za­ǵalıev.

Ekologııa mınıstrligi «Elim-aı» syılyǵy sharasyn dástúrli túrde jyl saıyn ótkizbek nıette.

«Bizdiń mınıstrlik aldyna ekolo­gııa salasyndaǵy qyzmet­kerlerdiń, eko­bel­sendiler­diń mártebesin kóte­rý min­­detin qo­ıyp otyr. Sala maman­dary­nyń materıaldyq jaǵdaıyn jaq­­­­sar­­­týǵa qatysty qadamdar ja­sal­dy. Bra­konerlik úshin jaza qatańdatyldy. О́tken jy­ly aq­bókenderdi qorǵaý jo­lyn­da qo­ryqshylarymyz – Er­lan Nur­ǵalıev pen Qanysh Nur­tazı­nov­tyń brakonerler qolynan qaza tapqanyn esh­kim umytqan joq. Bul – ınspektor­lardyń mártebesin joǵarylatý jolyndaǵy bel­­sendi jumysty jalǵastyrýymyz qajet­­tiginiń úlken belgisi», dep atap ótti M.Myr­­zaǵalıev.

Mádenıet jáne sport mı­nıstri Aqto­ty Raıymqulova 18 qazanda ata­­lyp ót­ken orman sha­rýashylyǵy qyz­met­ker­leriniń kúnimen quttyqtady.

«Tól mereke óz jalǵasyn bú­gingi kúni de tabýda. Bul ózde­ri­niń tabandylyq­tary arqyly eli­mizdiń orman baılyǵyn qorǵap, kóbeıtip júrgen azamattardyń merekesi. Elimizdiń baǵa jetpes baılyǵy – tabıǵaty. Orman-toǵaı – Jer-Ana­nyń adamzatqa ber­gen syıynyń biri. Sondyqtan tabıǵatty aıalaý men onyń qadir-qasıetin seziný – adamzatqa, urpa­ǵymyzǵa paryz», dedi ol óz sózinde.

«Elim-aı» syılyǵy 16 nomınasııa boıynsha berildi. «Brakonerlermen kúrestegi eren erligi úshin» «Ohot­zooprom»­ Aq­mola oblystyq tirek pýnkti­niń ınspektory Dostaı Balǵabekuly marapattaldy. Ol 2016 jyly brakonerlermen betpe-bet kelip, moınynan pyshaq jaraqatyn alyp, ajaldan aman qalǵan edi. «Ohotzooprom» О́B ortalyq aımaqtyq fılıalynyń ıns­pektory Murat Qabıdenuly «Janýarlar dúnıesin qorǵaýda «úzdik ınspektor» dep tanyldy. Orman sharýashylyǵy salasynda 30 jyldan astam eńbek etip kele jatqan «Samar orman sharýashylyǵy» kommýnaldyq memlekettik mekemesiniń dırektory Erken Qabdyrǵalıev «Úzdik ormanshy» atandy. Orman sharýa­shylyǵyn damytýǵa baryn salyp atsalysqany úshin «Semeı ormany» mekemesiniń Semeı qalalyq fılıaly Batpaev ormanshylyǵynyń jetekshisi Aleksandr Trýshın marapattaldy. «Orman sharýashylyǵyna eń­begi sińgen ardager» nomına­sııasyna «Kólsaı kólderi» mem­lekettik ulttyq tabıǵı par­kiniń aǵa ǵylymı qyzmetkeri Hamıt Aǵabekuly ıe boldy. Bıo­logııa ǵylymdarynyń kandıdaty, 30-ǵa jýyq ǵylymı maqala jazǵan, «TMT GROUP» JShS bas­shy­sy Marlen Tursynáliuly «Úzdik balyq ósirýshi» dep tanyldy. Al «Karagandınskıı rybopıtomnık» JShS «Úzdik balyq tálimbaǵy» atandy. Bas­shysy – Denıs Mýshtakov. «Ile-Alataý» memlekettik ulttyq ta­bı­ǵı parki – «Úzdik ulttyq park», «Barsakelmes» memlekettik qory­ǵy «Úzdik qoryq» atalymyn aldy. Syılyq mekemelerdiń basshylary Damır Malgeldıev pen Záý­resh Álimbetovaǵa berildi. «Kazakh Tourism» ulttyq kom­panııasynyń basshysy Erjan Erkinbaevqa «Ekotýrızmdi nasıhattaý boıynsha úzdik joba» nomınasııasy berildi. «Tamyr» jabaıy tabıǵatta serýendeý mek­tebi ekologııalyq máde­nıetti kó­terý jáne adamdardyń jabaıy tabıǵattaǵy qaýipsizdigin qam­tamasyz etýge qosqan úlesi úshin ma­rapattaldy.

Itbalyqtardyń qorǵaýshysy retinde tanylǵan Gıdrobıologııa jáne ekologııa ınstıtýtynyń ǵylymı qyzmetkeri Ásel Baı­muqanova «Ekologııalyq n­a­sı­hat baǵytyndaǵy maman» atalymyna ıe boldy. «Amanat pen erik-jiger» atalymymen eki qoly­nyń joqtyǵyna qaramastan Aq­mola oblysynda 18 myń aǵash otyr­ǵyzyp, úlgili ispen ómirden ót­ken Aleksandr Karpovıchtiń eń­begi atalyp ótildi. Syılyq uly­na tabystaldy. «О́lketanýǵa qosqan úlesi úshin» nomınasııa­syn «Baıanaýyl» memlekettik ult­­­tyq tabıǵı parkiniń ınspek­tory Altynbek Jumatuly al­dy. «Jabaıy ańdarǵa jasaǵan qam­­­qorlyǵy úshin» «Saıram-О́gem» memlekettik ulttyq ta­bı­ǵı­ parkiniń bıolog-ańshysy Nur­­jan Saıranbaıuly marapat­taldy. Ja­nýar­­lardy qorǵaý qaýym­das­tyǵynyń prezı­denti Lılııa Sár­se­nova «Úı janýarlaryn qor­ǵa­ǵany úshin» nomınasııasyn al­dy. Ol janýarlar panalaıtyn orta­lyq ashqan.

Eske salaıyq, Memleket basshysy Qasym-Jomart Toqaev halyqqa bıyl­ǵy Joldaýynda qorshaǵan ortany qor­­ǵaý jáne ekologııalyq damý elimiz úshin aldyńǵy kezekte turǵan másele eke­nin aıtqan. Kógaldandyrý aýqymyn keńeı­tip, «Janýarlardy qorǵaý týraly» zań jo­basy qa­byl­danatynyn jetkizgen. Al 22 qazandaǵy Ulttyq qoǵamdyq senim keńesi otyrysynda Ulttyq memlekettik tabı­ǵı parkterde ekotýrızmdi belsendi damytý qajettigine taǵy da toqtaldy.