Aımaqtar • 27 Qazan, 2020

Azamattyq bastamalar ortalyǵy ıdeıany jobaǵa aınaldyrýǵa kómektesedi

10 ret kórsetildi

Elordanyń úkimettik emes uıymdar (ÚEU) men bastamashyl turǵyndary qalanyń áleýmettik ortasyn jaqsartýǵa óz úlesterin qosa alady. Nur-Sultannyń Azamattyq bastamalar ortalyǵy belsendiler men úkimettik emes uıymdarǵa ıdeıany jobaǵa aınaldyrýǵa, ony iske asyrýǵa kómek kórsetedi.

"Biz aqparattyq-ádistemelik qoldaý, konsýltasııalar, oqytý is-sharalaryn kórsetemiz jáne úılestirý netvorkıngin quramyz, ıaǵnı bir-birimizge qajetti uıymdardy, adamdardy biriktiremiz. Jergilikti deńgeıde de, ulttyq deńgeıde de ózgerister boıynsha usynystar, usynymdar daıyndaýǵa járdemdesemiz. Sondaı-aq biz ıdeıalardy tyńdap, olardy jobaǵa qalyptastyrýǵa kómektesemiz. Jobalardyń qunyn esepteý, sondaı-aq qarjylandyrýdy izdeý boıynsha da qoldaý kórsetilýde", - dedi elordanyń Azamattyq bastamalar ortalyǵy dırektory Mahabbat Espenova.

Azamattyq bastamalar ortalyǵyna keletin suraqtar aýqymy keń. Qajet bolǵan jaǵdaıda ótinish jasaǵandarǵa zańgerlik nemese qarjylyq jaǵynan keńes beriledi. Ortalyqta bastamashyl azamattarǵa áleýmettik jobanyń ıdeıasyn júzege asyrýǵa kómek kórsetiledi, keıin ol granttar nemese baǵdarlamalar konkýrstaryna qatysýǵa jiberiledi.

"Biz azamattarǵa bastamalardy qoldaý arqyly óz ómirin jáne qala ómirin jaqsartýǵa kómektesemiz, osylaısha Prezıdenttiń 2020 jylǵy 1 qazandaǵy Joldaýynda aıtylǵan azamattyq belsendilikti kúsheıtemiz", - deıdi Azamattyq bastamalar ortalyǵynyń úılestirýshisi Álııa Kýzbekova.

Ortalyqtyń qatysýymen júzege asyrylatyn jobalar negizinen erekshe balalar tárbıelenetin otbasylardyń, halyqtyń áleýmettik osal toptarynyń, kóp balaly otbasylardyń ómirin jaqsartýǵa baǵyttalǵan. Sondaı-aq ekologııa, ınklıýzıvti bilim berý, ulttyq biregeılikti jańǵyrtý máseleleri boıynsha ıdeıalar iske asyrylýda.

Ideıany nemese jobany júzege asyrý úshin ÚEU jáne azamattar saıtyna konsýltasııaǵa ótinim qaldyra alady nemese +7 7172 32 35 19, + 7 771 050 15 37, +7 708 800 28 87 nómirlerine qońyraý shalýyna bolady.

Sońǵy jańalyqtar

Vıkıngterdiń izimen

Tarıh • Keshe

Uqsas jańalyqtar