Talaptardy saqtamaǵandarǵa aıyppul salynady

Jýyqta ǵana О́skemende ob­lystyq taýarlar men kórse­ti­letin qyzmetterdiń sapasy men qaýipsizdigin baqylaý de­par­tamenti mamandarynyń uıym­das­tyrýymen adam aıaǵy kóp basady-aý degen saýda nysandaryna jáne dámhanalarǵa monıtorıngtik top pen qu­zyr­ly organdar reıd jasady. Monıtorıngtik toptyń maq­saty – adamdar arasynda ka­ran­tındik jáne shekteý ere­je­­lerin saqtaýdy qadaǵalaý, ko­­ronavırýstyq ınfeksııanyń taralýynyń aldyn alý edi.

 Osy maqsatta jumystaryn jalǵastyrǵan top О́skemendegi saýda nysandaryn aralaı kele «Bravo» dámhanasyna kirgen. Saýda oryndarynda sanıtarlyq talaptar saqtalǵanymen, atal­ǵan dámhanada áleýmettik qa­shyq­tyqty kórsetetin syzyqtar joq, kireberistegi sanıtarlyq kilemsheleri keýip qalǵan, qoldy zararsyzdandyratyn quraldary kórinbeıtin jerde tur. Al qyzmetkerleri rezeńke qolǵap, medısınalyq maska taqpaǵan. Sondaı-aq monıtorıngtik top tek­sergen sulýlyq salondaryn­da da maskalyq rejim saq­tal­maǵan.

Halyq vırýstyń alǵashqy tolqynynan sabaq alý kerek edi. Qanshama adam tósekke ta­ńyl­dy, qanshamasy qaıtys bo­ldy?! Aýrýhanalardan oryn jetpeı, em-dári tappaı san­­dalǵandar da az emes edi. Qa­ra­paıym ǵana sanıtarlyq talaptardy saqtamaı júrgen azamattar jazdaǵy jaǵdaıdy bir sát umytyp ketken sııaqty.

Reıdtik sharalar kezinde ár nysandaǵy oryndalmaı jatqan talaptarǵa baılanysty ýchaskelik polısııa qyzmetkeri hattama toltyryp, mekeme ákimshiliginen túsinikteme aldy. Oryn alǵan olqylyqtar fotoǵa túsirildi. Endi osy negizde sa­nıtarlyq-epıdemııalyq qyz­met mamandary tıisti shara qol­da­nady.

Monıtorıngtik toptardyń jańartylǵan kestesi boıynsha quramynda jergilikti polısııa qyzmetkerleri men sanıtarlyq-epıdemııalyq qyzmettiń mamandary da jumys isteıdi. Olar 1-21 qazan aralyǵynda oblys bo­ıynsha 493 reıd júrgizip, 6 091 nysan qamtyldy. Onyń ishinde qoǵamdyq kólik jáne kólikti dezınfeksııalaý pýnktterinde tekserý jumystary júrgizildi. Sanıtarlyq-epıdemııalyq talaptardy saqtamaǵandarǵa Ákim­­shilik kodekstiń 425-baby, 1-bó­ligi boıynsha 137 aıyppul sa­­­­­lyndy.

Osyǵan oraı oblystyq taýarlar men kórsetiletin qyz­met­terdiń sapasy men qaýip­­siz­digin baqylaý depar­ta­men­ti­niń mamandary qol­danys­ta­ǵy sanıtarlyq erejeler men respýblıkalyq jáne oblystyń bas memlekettik sanıtarlyq dárigeriniń qaýlylarynyń barlyq talaptaryn saqtaýdy suraıdy. Halyq belgilengen shekteýlerdi, onyń ishinde áleýmettik qashyqtyqty jáne maska rejimin saqtaýy tıis. Kópshiliktiń qatysýymen ótetin is-sharalardy uıymdastyrýǵa shekteý qoıylǵan. Mekemelerde jumys isteıtin qyzmetkerler mindetti túrde saqtyq shara­la­ryn saqtaǵandary jón. Iаǵnı, maska jáne medısınalyq qor­ǵa­nysh qolǵabyn kıip júrý kerek. Obektilerde kúsheıtilgen dezın­feksııalaý rejimin saq­taý, nusqaýlyqqa sáıkes dezın­feksııalaý qural­da­ryn qol­da­ný mindetti. Kire­beriste antıseptıkter, sanıtaızerler, dezın­fek­sııalyq kilemsheler jáne baılanyssyz termometrler bolýy tıis.

Eger atalǵan sanıtarlyq ta­laptar saqtalmasa, Ákimshilik kodekstiń 425-babynyń 1-bóligi boıynsha jeke tulǵalar úshin – 30 AEK nemese 83 340 teńge, shaǵyn kásipkerlik sýbektileri úshin – 230 AEK nemese 638 940 teńge, orta kásipkerlik sýbektilerine – 310 AEK nemese 861 180 teńge, iri kásipkerlik sýbektilerine – 600 AEK nemese 4 444 800 teńge mólsherinde ákimshilik aıyppul salynady. Al reıdtik sharalar aldaǵy ýaqytta da jalǵasyn tappaq.

Shyǵys Qazaqstan oblysy