Joǵary oqý oryndarynyń jabylýy men stýdentterdi basqa oqý oryndaryna ýaqytyly aýystyrý qajettiligine baılanysty mınıstrlik normatıvtik qujattarǵa ózgerister engizdi.
Endi JOO bilim berý qyzmetimen aınalysý lısenzııasynan nemese lısenzııaǵa qosymshadan aıyrylǵanda (qaıtaryp alynǵan) nemese joǵary oqý orny jabylǵan jaǵdaıda atalǵan oqý ornynyń stýdentteri semestrdiń aıaqtalýyn kútpeı-aq birden basqa joǵary oqý oryndaryna aýysa alady.
Bul norma oqýlaryn jalǵastyrý barysynda stýdentterge qoldaý kórsetýge baǵyttalǵan.
Qazir BǴM bilim berý uıymdary qyzmetiniń úlgilik qaǵıdalaryna lısenzııasy toqtatylǵan joo bilim alýshylaryn aýystyrý bóliginde qosymsha ózgerister engizý boıynsha joǵary oqý oryndarynan túsip jatqan birqatar usynys qarastyryp jatyr. Aldaǵy ýaqytta mundaı jaǵdaılar oryn alsa, stýdentter lısenzııanyń yqtımal keri qaıtarylýyn kútpeı-aq basqa joo-ǵa aýysa alady.
