"Qatysýshylar saıtta tirkelip, nomer alady jáne aýksıon zalyna elektrondyq aýksıondar ótkizilgenge deıin bir saǵat buryn kiredi. Bul óte mańyzdy, óıtkeni olar aýksıon kezinde kirmese, aýksıonnyń ótpeýi múmkin. Aýksıon baǵany arttyrý arqyly ótedi. Biz bastapqy jazylym bonýsyn usynamyz jáne sodan keıin baǵa ósip otyrady. Qatysýshylar óz baǵalaryn usynady. Biz erejelerde aýksıon qadamynyń qalaı ósetinin sıpattadyq. Mysaly, aǵymdaǵy jazylý bonýsy 20 000 AEK-ke teń nemese odan az bolsa, onda aýksıonnyń kelesi qadamy 25%-ǵa, odan ári 20, 15, 10 jáne 5%-ǵa ulǵaıady. Al aýksıon jeńimpazy anyqtalǵan kezde, ol kelisken qol qoıý bonýsyn tóleıdi, sodan keıin onymen kelisimshart jasalady", - dep túsindirdi vedomstvo ókili.
Aıta keteıik, eger saýda-sattyq jeńimpazy 20 jumys kúni ishinde qol qoıý bonýsyn tólemese, kelisimshart avtomatty túrde buzylady.
Keıinnen kelisimsharttarǵa qol qoıý da elektrondyq túrde júrgiziletin bolady. Jeńimpazdyń aty jazylǵan aýksıon nátıjeleri saıtta jarııalanady.
"1 qyrkúıekten bastap aýksıondy ótkizýge ótinishterdi qabyldaý boıynsha fýnksıonal iske qosyldy. Qazirgi ýaqytta aýksıon ótkizýge 30-dan astam ótinish kelip tústi. Nátıjesinde, 10 ýchaskeni elektrondyq aýksıonǵa shyǵarý týraly sheshim qabyldandy. Bıyl aıqyndylyq úshin aýksıon translıasııasyn ótkizýdi josparlap otyrmyz", - dep atap ótti Jahmetova.
Jańa erejeler boıynsha alǵashqy aýksıon 23 jeltoqsanda Nur-Sultan ýaqytymen saǵat 10.00-den 17.00-ge deıin ótedi. Saýda-sattyqqa 400 mln teńgege qol qoıý bonýstarynyń jalpy bastapqy mólsheri bar 10 munaı-gaz ýchaskesi shyǵarylady. Jalpy aýdany – 29 myń sharshy shaqyrym.
