Elorda • 28 Qazan, 2020

Elordada salynatyn jańa kópirdiń eskızi paıda boldy

39 ret kórsetildi

Nur-Sultandaǵy Táýelsizdik dańǵylynda jańa kópir salynady. Ol Táýelsizdik saraıynan Kereı, Jánibek handar kóshesine deıin jalǵasatyn bolady. Kópir qaladaǵy kólik qozǵalysyn aıtarlyqtaı azaıtady dep kútilýde, dep habarlaıdy Egemen.kz.

Jańa kópirdiń eskızderin qalalyq ýrbanıstıka ortalyǵy ázirledi. Kópirdiń jalpy uzyndyǵy - 910 m, eni – 36 m, shamdardyń bıiktigi - 5-ten 16 metrge deıin jetetin bolady. Kópir shamdary masaq túrinde jasalady. Jobanyń negizgi ıdeıasy tyń jerlerdi ıgerý tarıhı oqıǵasymen baılanysty. Kópirde ornalasqan tórt baǵan oıý-órnektermen bezendiriledi.

a

Kópirde trotýar jáne velosıped jolaqtary da qarastyrylǵan. Ol elordanyń oń jáne sol jaǵalaýyn jalǵaıtyn bolady. Bul qurylys "Nur-Sultan-jaıly qala" master–jospary aıasynda júrgizilýde. Sonymen qatar, buqaralyq sportty damytý úshin jańa kópir astyndaǵy qoǵamdyq keńistik qurylady.

s

"Táýelsizdik dańǵylynan jalǵasatyn jańa kópir elordamyzdyń tarıhı ótkenin beıneleıdi. Kópir sol jáne oń jaǵalaýdy jalǵap, ákimshilik ortalyqtan jańa temirjol vokzalyna deıin jol júrý ýaqytyn qysqartyp, jolaýshylar aǵynyn jeńildetetini mańyzdy", - dep atap ótti Nur-Sultan qalasynyń ýrbanıstıka ortalyǵynyń basshysy Elnar Bazyken. 

z

Aıta keteıik, jańa kópirdiń qurylysy kelesi jylǵa josparlanǵan.

 

Sońǵy jańalyqtar

Jyl sózi

Álem • Keshe

Quldyramaıtyn qundylyq

Tanym • Keshe

UQK jasyryn esirtki zerthanasyn anyqtady

Qazaqstan • 22 Qańtar, 2022

Úndistanda záýlim ǵımarat órtendi

Álem • 22 Qańtar, 2022

Uqsas jańalyqtar