Aımaqtar • 28 Qazan, 2020

Túrkistan oblysyndaǵy epıdemııalyq jaǵdaı turaqty

83 ret kórsetildi

Oblystaǵy medısınalyq uıymdarda koronavırýs ınfeksııasynyń ekinshi tolqynyna daıyndyq jumysy úsh baǵytta júrgizilip jatyr, dep habarlaıdy Egemen.kz

Oblys ákimi baspasóz qyzmetiniń málimetinshe, emdeý mekemelerin tósek-orynmen tolyq qamtý, materıaldy-tehnıkalyq bazasyn nyǵaıta otyryp, dári-dármek pen qorǵanys quraldarymen qamtamasyz etý kúsheıtilgen. Bul týraly Túrkistan oblysy ákiminiń orynbasary Arman Sábıtovtyń oblystyq qoǵamdyq densaýlyq basqarmasynyń basshysy Marat Pashımov pen óńirdegi barlyq medısına uıymdardyń bas dárigerlerimen kezdesýinde atap kórsetildi.

"Qazirgi tańda oblystaǵy medısınalyq uıymdar 2 aılyq dári-dármek qorymen jáne medısınalyq qural-jabdyqpen tolyq qamtamasyz etilgen. Emdeý mekemesiniń birinshi basshysy retinde sizder aldaǵy ýaqytta medısına qyzmetkerleriniń kásibı biliktiligin arttyrýdy, arnaıy oqytýdan ótkizýdi barynsha qadaǵalaýǵa tıissizder", dedi oblys ákiminiń orynbasary Arman Sábıtov.

Oblysta jalpy 23 429 medısına qyzmetkeri eńbek etedi. Onyń 5 myńnan astamy – dáriger, 18 233-i − orta býyn medısına qyzmetkeri. Bıyl 1,5 myń dáriger túrli baǵyttar boıynsha Reseıde biliktiligin arttyryp, tájirıbe almasqan. Jıyn barysynda oblys basshylyǵy shekaralas aýdandardy basty baqylaýda ustaýdy júktedi. Aldaǵy ýaqytta aýdan ákimderi men medısına mekemeleriniń basshylarymen birlese onlaın formatta ózekti máselelerdi ortaǵa salyp, sheshý joldaryn qarastyrý kózdelgen.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar