AQSh-taǵy hokkeıshi arý

Hokkeı̆degi mansabyn 13 jas­tan bastaǵan Bulbul – Jambyl oblysynyń týmasy. Ol «Tomiris Astana» komandasynyń kapıtanynan bastap, Kanada men AQSh-tyń kásibı hokkeı̆ lı­galaryndaǵy oı̆ynyna deı̆ingi tartysty hám qyzǵylyqty joldan ótti. О́ziniń aıtýynsha, 2016 jyly Kanada men postkeńestik elderdiń dıplomatııalyq qarym-qatynastarynyń 25 jyldyǵy aıasynda Qazaqstanǵa kelgen Kanada áı̆elder hokkeı̆ lıgasynyń negizin qalaýshy Djo Smolmen kez­desýi jańasha serpin syılaǵan. Bul kezdesý Bulbulǵa áser etkeni sonshalyq, Sol­tústik Amerı­ka­nyń hokkeı̆ lıgasynda oı̆naýdy armandaıdy. Osylaısha, 2017 jy­ly ózi­niń qabilet-qa­rymyn kórsetý úshin túsirgen vı­deorolıgi áı̆el­­der hokkeı̆ ále­min­­­de birden tany­lyp, Bulbuldyń qa­biletin «Boston Blades» komandasy baı̆­qap, ony CWHL 2017 maý­symynda oı̆naýǵa shaqyrdy. Biraq oıynǵa shaqyrtý alyp qana AQSh-qa kete qoıamyn deý ońaı bolmaı shyqty. Vıza ala almaǵannan keı̆in, men bárinen bas tarta jazdadym», dep eske alady Bulbul. «Biraq anam me­ni qoldady. Ol osy oı̆yndy qan­shalyqty jaqsy kóretinimdi esime salyp otyrdy. Ásirese ba­ryp-kelýge ushaqqa bılet alý, vıza rásimdeý arzan emes. Anam meni qoldap, óz aty­na nesıe alyp berdi. Osy qol­daýy ár­daıym esimde júredi», deı­di ol.

AQSh-qa kelgen ol al­ǵashqy tájirıbesin «Metropolitan Riveters» komandasynda bastap, Ulttyq áı̆elder hokkeı̆ lıgasynda (NWHL) ká­sibı kelisim­shartqa qol qoı­̆ǵan alǵashqy qazaqstandyq boldy. Al 2020 jyl­dyń maý­sym aı̆ynda Bul­bul AQSh-tyń Nıý-Djersı shta­tyndaǵy «Princeton Tiger Lilies» hokkeı̆ klý­bynyń bas bapkeri bolyp ta­ǵaı̆yndaldy.

Biraq onyń hokkeıdegi man­saby qyzyǵymen qosa qıyn­dyǵymen qatar júrdi. 2019 jyly qysta jol apatyna túsip, jaraqat alǵan Bulbul biraz ýaqyt oıynǵa qatysa almaı, qyzý daıyndyqty emdelýge aı­yr­bastady. Odan keıingi jer-jahandy dúrliktirgen pandemııadan jattyǵý alańdary jabylyp, mansap jolyndaǵy ilgerileý baıaýlap qalǵan edi. Dál osyndaı syn saǵattarda «Metropolitan Riveters» komandasy Bulbulǵa komanda quramynyń tolyq ekenin habarlaǵan-dy. Biraq óziniń tájirıbesi men tabandylyǵynyń arqasynda ol Kásibı áıelder hokkeı qa­ýymdastyǵyna (PWHPA) qa­byldandy.

«Eresek áıelderge arnalǵan hokkeı mektebi joqtyń qasy. Tek jasóspirim qyzdarǵa nemese erlerge arnalǵan lagerler ǵana qoljetimdi. Dál osy nárse bú­­kil álemdegi jas oı­ynshylardy b­i­riktirýge ar­nal­ǵan Halyq­aralyq áıelder hokkeı lagerin qurýǵa sha­byt berdi», deı­di ol.

Bulbul áleý­­­­mettik je­li­lerde ózi­niń jos­­pa­ryn ja­­rııa­­laǵannan ke­­ıin, onyń tu­jy­rym­da­ma­sy­na álem oıyn­shylarynan qy­zyǵýshy­lyq ta­nyt­qan­­­dar qa­ta­ry kúrt art­qan. Qa­zir Bul­­­bul sport­taǵy óz mansabynan basqa, jas sportshylar­dy qoldaýǵa ba­ǵyt­talǵan «Kartanbay» qoryn qurdy.

«Men daryny men daǵdysy teń túsetin kóptegen jas hok­keıshini kezdestirdim, bi­raq olar­dyń óz damýyn jal­ǵas­ty­rýy úshin qarjylyq qol­daý joq. Eger bári oıdaǵydaı bolsa jáne pandemııa jaǵdaıy múmkindik berse, 2021 jyldyń ja­zynda lager ashýdy josparlap otyrmyn. Bizdiń qordyń maqsaty – oıynshylardyń ká­sibı damýyn qunttap, álemge óz darynyn tanyta alatyndaı qoldaý kórsetý», deıdi hok­keıshi qyz.