Sýrette: «Býddenbroktar» fılminen kórinis. Tarıhı kostıýmderdiń avtory – tájirıbeli sýretshi-kostıýmer Barbara Baým.
Karolına Lınk,
rejısser
Onyń «Tynyshtyqtyń ar jaǵynda» (Jenseits der Stille) atty kıno debıýtiniń ózi 1998 jyly Oskar syılyǵyna usynylǵan-dy. Bes jyldan keıin Karolına Lınk «Afrıkada eshqaıda» (Nirgendwo in Afrika) fılmi «shet tilindegi úzdik fılm» bolyp tanylyp, AQSh-tyń eń tanymal marapaty Oskar júldesiniń ıegeri atandy. 2018 jyly komık Kerkelınniń ómirbaıany negizinde túsirilgen «Balaǵa taza aýa qajet» (Der Junge muss an die frische Luft) fılmi de rejısserdiń úlken jetistigine aınaldy. 2019 jyly úlken ekranǵa jol tartqan Iýdıt Kerrdiń romany boıynsha túsirilgen «Gıtler qyzǵylt kójekti urlaǵanda» (Als Hitler das rosa Kaninchen stahl) fılmi kórermen tarapynan oń baǵaǵa ıe bolǵan edi.
Anette Hess,
kınodramatýrg
Germanııa tarıhy jaıly telefılmder men serıaldar úshin ssenarıı jazyp júrgen belgili kınodramatýrgterdiń biri. Ahım fon Borrıstiń «Oıdaǵy mahabattan ne paıda» (Was nützt die Liebe in Gedanken) kınofılmine ssenarıı jazýy onyń kásibı jetistigin ósire tústi. 2021 jyly «Biz Zoo beketiniń balalarymyz» (Wir Kinder vom Bahnhof Zoo) atty serıalynyń Amazonda tusaýkeseri ótpek. Bul A.Hesstiń bas avtor retinde toppen jumys istegen alǵashqy tájirıbesi.
Tea Fon Harboý,
kınodramatýrg
Nemis kıno tarıhynda áý bastan erekshe orny bar kınodramatýrg kóptegen klassıkalyq ekspressıonıstik fılm men romannyń ssenarıı avtory. 1920 jyldary kórnekti dybyssyz fılmderge ssenarıı jazyp, belgili rejısserlermen, onyń ishinde Frıdrıh Vılgelm Mýrnaýmen birge jumys istedi. О́ziniń zaıyby – rejısser Frıs Lańmen birge «Metropolıs nemese M» (Metropolis oder M) syndy fılmderge ssenarıı jazǵan. 1933 jyly kúıeýi aıdalyp ketkende de, mansabyn jalǵastyryp, USDJP múshesi bolǵany úshin Harboýdyń jeke basyna qatysty qarama-qaıshy pikir de aıtylyp jatady.
Regına Sıgler,
prodıýser
1973 jyly 29 jasar Regına Sıgler óziniń jeke kıno túsiretin fırmasyn qurǵan alǵashqy áıel atandy. Onyń «Men ólimin dep oıladym» (Ich dachte, ich wäre tot) dep atalǵan alǵashqy fılmi Nemis kıno akademııasynyń syılyǵyn jeńip aldy. 50 jyl ishinde 500-deı kınofılm, telefılm túsirgen Sıgler keıin Germanııanyń eń tabysty prodıýserine aınaldy. Sıgler kóńil aýlaıtyn fılmdermen qatar kúrdeli jumystarǵa da prodıýserlik etti. Keıingi tanymal jumystary retinde Fılıpp Shtıolsldiń «Men Nıý-Iorkte bolǵan joqpyn» (Ich war noch niemals in New York) jáne Folker Shlendorfftyń «Montokqa oralý» (Rückkehr nach Montauk) fılmderin aıtýǵa bolady.
