Oqıǵa • 29 Qazan, 2020

Jas aqyn janaryndaǵy ot

41 ret kórsetildi

Áleýmettik jelini ońdy-soldy qoldanyp jatqandar kóp. Alaıda paraqshasyna paıdaly jazbalardy jıi júktep turatyn jastar da joq emes. Solardyń biri jas aqyn – Nurken Nurǵazy esimdi azamat. Onyń paıdaly jazbalarynan buryn pálsapasy tereń poezııasymen qalamgerler qaýymy jaqsy tanys. Desek te, aıtpaǵymyz jas aqynnyń shyǵarmashylyǵynan bólek erekshe jaıttarǵa eleńdeı júretindigi.

Mysaly, jýyrda fotojýrnalıstıka ba­ǵy­ty boıynsha ótetin World Press Photo baı­qa­ýynyń 2020 jylǵy nomınanttary men júl­de­gerleri týraly jazǵan Nurkenniń kishkentaı ǵana aqparaty onyń erekshe oılaý júıesin, zer­desin, jańa kózqarastaryn ańǵartty.

Atalǵan baıqaýda japonııalyq fototilshi Iаsýesı Tıbanyń «Tunyq daýys» atty sýreti úzdik dep tanylǵanyn jazǵan Nurken sýrette qolyna jaryǵy qosylǵan uıaly telefon usta­ǵan jastar men álemdi beıbitshilikke shaqy­ryp óleń oqyp turǵan sýdandyq azamat beı­nesine erekshe úńiledi.

Sýrettegi aqyn janyn Jer sharynyń álde­bir bóligindegi ekinshi bir aqyn­nyń qapysyz sezinýi bizdi beıjaı qaldyrmady. Bizdi sondaı-aq Nur­kenniń bul kishkentaı ǵana jazbasy qazaq­tyń aqıyq aqyny Muqaǵalıdy esimizge túsirdi.

Muzart Muqań «Chılı – shýaǵym meniń» degen óleńinde:

Barlyq aqyn – balasy bir ananyń,

Aqyn kelse ómirge, qýanamyn,

Aqyn ótse ómirden – jylaǵanym.

Barlyq aqyn – balasy bir ananyń.

Barlyq aqyn – baýyry tiri adamnyń!

– dep jyrlaıdy. Bul óleń jáne úlken poema­nyń alǵashqy shýmaǵy. Poemany aqyn Maqa­taev Pablo Nerýdaǵa arnaıdy.

Já, sýretke oralaıyq.

Sýdanda qarsylyq aksııalary 2018 jyl­dan bastalyp 2019 jylǵa deıin jal­ǵasqan. Jergilikti bılik beıbit sherýdi toqtatý úshin elektr qýaty men ınternet jelisin són­dirip qoıǵan.

«Bul Sýdandaǵy men kórgen halyq jappaı qatysqan jalǵyz ǵana beıbit sherý boldy. Sol kúni sherýge qatysqan halyqtyń qaıtpas qaısarlyǵy qaıta tutanǵan kómirdeı ekenin sezdim», depti fotograf.

Qazylar alqasynyń múshesi Krıs MakGrat sýretten alǵan áserimen bólise kelip: «Bul búkil álemde beıbitshilik ornaýyn qalaıtyn jandar men sol sherýge qatysqandardyń ishki qarsylyǵyn kórsetip bergen ǵajap týyndy», dep túıedi.

Álemdik fotobaıqaýda jeńimpaz bolǵan sýretke qarap turyp uıaly telefondardyń jaryǵynan da jaryq aqyn kózindegi otty kór­meý múmkin emes. Ony baıqaǵan bizdiń jas sha­ıyrdyń júregi de jap-jaryq ekenin sezesiń...

Qýdalanǵan, jábir kórgen, zorlyqtan kóz ashpaǵan, túnekter men qapastarda jatqan halyqtardy osyndaı otty kózderden taraǵan jaryqtar eshqashan adastyrmaıtynyna se­nýimiz kerek.

 

Sońǵy jańalyqtar

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Uqsas jańalyqtar