Ereje jobasyn talqylaýǵa "Internıýs" zańgeri Olga Dıdenko, «Informbıýro» bas redaktory Mıhaıl Dorofeev qatysty. Talqylaýdy belgili jýrnalıst jáne medıa sarapshy Erjan Súleımenov júrgizdi.
Vıse-mınıstr Q.Oıshybaev jýrnalısterdiń akkredıtteý prosedýrasynan ótý jáne jeńildetýge baǵyttalǵan jańa Erejede qarastyrylǵan birqatar jańalyqtar týraly habarlady.
Atap aıtqanda, atalǵan novellalar turaqty jáne ýaqytsha akkredıtteýdi engizýdi, jýrnalısti akkredıtteý úshin usynylatyn qujattar tizbesin jáne olardy qaraý merzimin qysqartýdy, akkredıttelgen jýrnalısterdiń tizilimin engizýdi, akkredıtteýshi uıymnyń is-sharalardy aldyn ala habarlaý jónindegi mindetterin, jýrnalıstiń kýáligin sıpattaýdy, sondaı-aq akkredıtteýshi uıymnyń zańsyz is-áreketterine nemese áreketsizdigine shaǵymdaný múmkindigin kózdeıdi.
Onlaın-translıasııa barysynda áleýmettik jelilerdi paıdalanýshylardan jýrnalısterdi akkredıtteýdiń jańa júıesiniń odan ári jumys isteýi boıynsha birqatar suraqtar men usynystar aıtyldy, olarǵa tolyq jaýaptar berildi.
Qatysýshylar osy Erejeniń ázirlenýine rızashylyqtaryn bildirdi. Olardyń pikirinshe, Ereje jýrnalısterdiń qyzmetine oń áser etetin tıisti rásimder men sharttardy engizedi.
Talqylaý sońynda vıse-mınıstr jańa júıeniń jumys isteýi 2021 jyldyń qańtarynan bastalatynyn atap ótti.
