Elorda • 29 Qazan, 2020

Elordada koronavırýstyń ekinshi tolqyny bolýy múmkin

311 ret kórsetildi

Bas sanıtarlyq dáriger Sanıtarlyq normalardy saqtamaǵandyqtan elordada COVID-19-dyń ekinshi tolqyny bolýy múmkin ekenin aıtty, dep habarlaıdy Egemen.kz.

Nur-Sultanda koronavırýs ınfeksııasynyń tez taralýy baıqalady. Sońǵy aptadaǵy aýrý kórsetkishi aldyńǵy aptadan 1,3 ese nemese 28,7 % joǵary. Brıfıngte bas memlekettik sanıtarlyq dárigeri Janna Pirálıeva habarlaǵandaı, búginnen bastap qaladaǵy KVI reprodýktıvti sany birden asyp, 1,08-ge jetti.

"Qazan aıyndaǵy aýrýshańdyqtyń ósýi qalada karantın sharalaryn jeńildetýge múmkindik bermeıdi", - dedi Janna Pirálıeva.

Erejelerdi elemeýden basqa, keıbir naýqastar baılanysqan tulǵalary týraly faktilerdi jasyrady.

"Sońǵy ýaqytta koronavırýs ınfeksııasymen aýyratyn naýqastardyń turǵylyqty jeri men jumys orny boıynsha, sondaı-aq jaqyn baılanysta bolǵandar týraly faktilerdi jasyrý jáne jalǵan aqparat berý jıilep ketti. Bul epıdemııaǵa qarsy is-sharalardy ýaqytyly júrgizýge kedergi keltiredi",-dedi Nur-Sultan qalasynyń Bas memlekettik sanıtarlyq dárigeri.

Bıznes sýbektileri shekteý sharalaryn, sanıtarlyq normalar men karantındik rejımdi elemeı otyr. Buǵan 27 jáne 28 qazanda monıtorıngtik toptar júrgizgen kúndizgi jáne túngi reıdterdiń nátıjeleri dálel bola alady. Tekserilgen 290 nysannyń 49-ynda buzýshylyqtar anyqtaldy.

"Meıramhanalarda kóptegen adamdardy shaqyryp, otbasylyq is-sharalar ótkizý áli de bar. Mysaly, 24 qazanda Turan dańǵyly, 5 mekenjaıyndaǵy GRANDHALLASTANA meıramhanasynda 70-ten astam adam boldy. "Qyz uzatý" toıy ótkizildi, oǵan 50 adam qatysty, al týǵan kún zalynda 20 adam boldy", - dedi Nur-Sultan qalalyq PD jergilikti polısııa qyzmeti basqarmasynyń bastyǵy Gosman Jakın.

Sondaı-aq, mobıldi top Manas kóshesindegi "Poshashlychım" kafesi men "Janym-sol" karaoke-barynda jumys kúnderi jáne demalys kúnderi belgilengen jumys kestesin saqtamaı, óz qyzmetin júzege asyrǵan buzýshylyqtardy anyqtady. Tyıym salynǵan ýaqytta Turan dańǵyly 19 kóshesindegi Fast425 túngi klýby da jumys istedi.

"Qurmetti elorda turǵyndary men qonaqtary, kezekti ret aınalańyzdaǵy adamdardyń densaýlyǵy men ómirine qamqorlyqpen qaraýyńyzdy suraımyn. Ol úshin tek qarapaıym erejelerdi saqtaý kerek: mindetti túrde medısınalyq maska taǵý, áleýmettik qashyqtyqty saqtaý, adam jınap, otyrys ótkizbeý, adamdar kóp jınalatyn jerlerge barmaý kerek", - dedi Bas sanıtarlyq dáriger qala turǵyndaryna.

Sońǵy jańalyqtar

Qostanaı oblysynda kólik órti jıilegen

Aımaqtar • Búgin, 18:00

Búgin – Halyqaralyq Mýzeı kúni

О́ner • Búgin, 15:12

Koroldik klýb kósh bastap tur

Fýtbol • Búgin, 14:44

Aıda Balaevanyń anasy ómirden ozdy

Qoǵam • Búgin, 11:54

Dollar baǵasy taǵy arzandady

Ekonomıka • Búgin, 11:30

ShQO-da jol apatynan 1 adam kóz jumdy

Oqıǵa • Búgin, 11:23

Uqsas jańalyqtar