Aımaqtar • 29 Qazan, 2020

Shymkentte "Eńbek" memlekettik baǵdarlamasymen 6 936 adam jumysqa ornalasty

24 ret kórsetildi

Shymkent qalalyq Jumyspen qamtý jáne áleýmettik qorǵaý basqarmasynyń basshysy Qasymbek Saılaýov "Eńbek" memlekettik baǵdarlamasy, jumyspen qamtý jol kartasy jáne ataýly áleýmettik kómek boıynsha atqarylǵan jumystar jóninde baspasóz brıfınginde osylaı málimdedi, dep habarlaıdy Egemen.kz.

Qasymbek Pernebekulynyń aıtýynsha, bıyl "Eńbek" memlekettik baǵdarlamasy negizinde 25 531 adamdy jumyspen qamtý is-sharalaryna qatystyrý josparlanǵan bolatyn. 2020 jyldyń 1 qazanyndaǵy jaǵdaı boıynsha 24 366 adam jumyspen qamtý is-sharalaryna qatysqan.

"Eńbek" memlekettik baǵdarlamasy boıynsha 3 196 adam tegin kásibı bilim alyp, 2 820 adam "Bastaý Bıznes" jobasy negizinde kásipkerlik negizderge oqytyldy. 

Jyl basynan beri jalpy turaqty jumysqa ornalasqan – 6 936 adam. 1 606 adam jańa jumys oryndaryna, 338 adam áleýmettik jumys oryndaryna ornalassa, 2 637 adam jastar praktıkasy, 4 837 adam aqyly qoǵamdyq jumysqa joldanǵan. 

Bıyl 3 931  adam memlekettik grantqa ıe bolǵan. Bul ótken jylmen salystyrǵanda edáýir kóp. 

"Memlekettik grant alý boıynsha jyldyq jospar 80 paıyzǵa oryndalyp otyr. Byltyr 3478 adamǵa grant berilgen bolatyn. Bıyl bul kórsetkish 30 paıyzǵa ósip otyr. Bul jyly Shymkent qalasyna 1500 grant bólingen edi. Keıinnen qala ákiminiń tikeleı qoldaýymen jáne suranystyń artýyna baılanysty jalpy 5000-ǵa jýyq grant berý josparlandy. Grant berýdegi  birden-bir maqsat – az qamtylǵan otbasylardy jappaı kásipkerlikke baýlý jáne olardyń tabystaryn arttyrý", dedi basqarma basshysy.

Sondaı-aq, "Jumyspen qamtý Jol kartasy" baǵdarlamasy boıynsha 237 joba naqtylanyp, búgingi kúnge 8 640 jumys orny ashyldy. Onyń ishinde jumyspen qamtý ortalyǵy arqyly 4 405 adam jumysqa ornalasqan. 

Sońǵy jańalyqtar

Vıkıngterdiń izimen

Tarıh • Búgin, 22:46

Aqbóken ósimin retteı alamyz ba?!

Aımaqtar • Búgin, 22:32

Úlken ótirik jáne onyń saldary

Álem • Búgin, 22:29

Qostanaı oblysynda kólik órti jıilegen

Aımaqtar • Búgin, 18:00

Búgin – Halyqaralyq Mýzeı kúni

О́ner • Búgin, 15:12

Koroldik klýb kósh bastap tur

Fýtbol • Búgin, 14:44

Aıda Balaevanyń anasy ómirden ozdy

Qoǵam • Búgin, 11:54

Uqsas jańalyqtar