Qazaqstan • 29 Qazan, 2020

Fransýz ınvestorlaryna Qazaqstannyń ınvestısııalyq múmkindikteri tanystyryldy

8 ret kórsetildi

Saýda-ekonomıkalyq jáne ınvestısııalyq yntymaqtastyqty damytý máseleleri Qazaqstan-fransýz dóńgelek ústeli men eki eldiń iskerlik keńesiniń otyrysy barysynda talqylandy, dep habarlaıdy Egemen.kz.

Is-shara beınekonferensııa baılanys rejıminde ótti.

Atalǵan is-sharaǵa 100-den astam bıznes-qoǵamdastyqtyń ókilderi, eki eldiń memlekettik organdardyń, kvazımemlekettik uıymdarynyń basshylary qatysty.

Forým barysynda qatysýshylar ekonomıkany jańa jaǵdaıda damytý, Qazaqstanda bıznes júrgizý jáne ınvestısııalar boıynsha keń aýqymdy máselelerdi talqylady. Sonymen qatar, spıkerlerdiń sóz sóıleýi barysynda eldiń ınvestısııalyq ahýaly, bıznesti memlekettik qoldaý sharalary jáne Qazaqstanda ınvestısııalyq jobalardy iske asyrý múmkindikteri keńinen tanystyryldy.

Qazaqstan Syrtqy ister mınıstriniń orynbasary Almas Aıdarov óz sózinde Prezıdent Qasym-Jomart Toqaev óziniń Joldaýynda ınvestısııalyq saıasatty iske asyrý boıynsha qosymsha sharalar men basymdyqtardy naqty belgilegenin atap ótti. Atap aıtqanda, ol jańa quraldy - strategııalyq ınvestısııalyq kelisimshartty engizý týraly jarııalady.

"Bizdiń elimiz ınvestısııalyq ahýaldy jaqsartýǵa baǵyttalǵan reformalardy júıeli túrde júrgizip keledi. Úkimettiń kásipkerlermen tikeleı jáne ashyq dıalogy qamtamasyz etilýde jáne jańa ınvestısııalar, noý-haý jáne ozyq tehnologııalar tartý úshin ınfraqurylym jetildirilýde. Qazirgi ýaqytta Prezıdent Qasym-Jomart Toqaevtyń tapsyrmasy boıynsha strategııalyq ınvestısııalyq kelisim túrinde iri ınvestorlar úshin qosymsha qoldaý quralyn engizý boıynsha jumys júrgizilýde. Osy kelisim ınvestorlarǵa salyqtyq preferensııalar, jeńildikti qarjylandyrý, memleket tarapynan kepildik berilgen satyp alý, sondaı-aq eksporttyq qoldaý túrinde memlekettik qoldaý sharalarynyń keshendi paketin usynady. Zańnama turaqtylyǵynyń kepildikteri men salalyq preferensııalardyń bolýyn atap ótý mańyzdy", dedi Almas Aıdarov.

О́z kezeginde "KAZAKH INVEST" UK" AQ tóraǵasy Baýyrjan Sartbaev búginde Qazaqstan Halyqaralyq bıznes úshin jańa múmkindikter usynyp otyrǵanyn aıtty.

"Búgingi qıyn-qystaý kezeńde ınvestorlarǵa barlyq qajetti qoldaý kórsetý bizdiń basymdyǵymyz bolyp tabylady. Bizdiń tabıǵı artyqshylyqtarymyz, sondaı-aq Qazaqstanda sońǵy onjyldyqta qalyptasqan memlekettik ınstıtýttar men ınvestısııalyq klımatymyz turaqty uzaq merzimdi nátıjeni qamtamasyz etip, daǵdarystyń saldaryn jumsartady dep nyq senemiz. Qazaqstanda bıznes-bastamalar men ınvestısııalyq múmkindikterdi tabysty iske asyrý úshin jan-jaqty qoldaý taba alasyz. KAZAKH INVEST tabysqa jetý jolynda sizdiń senimdi seriktes bolǵanyńyzǵa qýanyshty bolady", dedi Baýyrjan Sartbaev.

Is-shara barysynda QR Syrtqy ister mınıstriniń orynbasary A.A. Aıdarovtyń BPifrance Fransııanyń egemendi qory jáne ınvestısııalyq banki, Saint-Gobain qurylys materıaldary men ınnovasııalyq sheshimderiniń iri óndirýshisi jáne Air Liquide iri ónerkásiptik tobynyń basshylyǵymen B2B kezdesýleri ótkizildi.

Aıta ketý kerek, Fransııa Qazaqstannyń negizgi saýda-ınvestısııalyq seriktesteriniń tizimine kiredi. 2010 jyldan bastap Fransııadan Qazaqstanǵa TShI kólemi shamamen $11 mlrd qurady, búginde QR-da munaı-gaz sektorynda, mashına jasaýda, farmasevtıkada, kólik jáne logıstıkada, energetıkada jáne basqalarynda fransýz kapıtalynyń qatysýymen 166 kásiporyn tirkelgen. Olardyń qatarynda "Total", "Orano", "Alstom", "Air Liquide", "Vicat", "Danone", "Soufflet" jáne t. b. kompanııalar bar.

Forýmdy QR Syrtqy ister mınıstrligi, QR Fransııadaǵy Elshiligi, "KAZAKH INVEST" UK" AQ jáne MEDEF Fransýz kásiporyndarynyń qozǵalysy uıymdastyrdy.

 

Sońǵy jańalyqtar

«Qyzyl» aımaqqa taǵy eki oblys qosyldy

Qazaqstan • Búgin, 12:17

Pnevmonııadan eki adam qaıtys boldy

Koronavırýs • Búgin, 10:00

Aqtóbede bala sýǵa batyp ketti

Aımaqtar • Búgin, 09:30

Elbasy Altaı Kólginovty qabyldady

Elbasy • 14 Mamyr, 2021

Shý aýdanynda 1,5 myń jumys orny ashylady

Aımaqtar • 14 Mamyr, 2021

Araq satylmaıtyn aýdan

Aımaqtar • 14 Mamyr, 2021

Shýchede jańa sport kesheni salynady

Aımaqtar • 14 Mamyr, 2021

Uqsas jańalyqtar