Esterińizge sala keteıik, bıylǵy jyldyń 4 qazanynan bastap Almaty qalasy ákimi Baqytjan Saǵyntaevtyń tapsyrmasy boıynsha halyqaralyq áýejaı aýmaǵynda halyqaralyq reısterdi baqylaýdy kúsheıtý jáne shetelden koronavırýs ákelinýin eskertý boıynsha sharalar qabyldandy.
QR Kóliktegi Bas memlekettik sanıtar dárigeriniń qaýlysyna sáıkes, qazaqstandyqtar elge PTR anyqtamasynsyz kelýlerine bolady, biraq ondaı jaǵdaıda olar jeti kúndik karantınge jiberiledi. PTR-tekserý nátıjesi bar anyqtamasy joq sheteldikter ushyp shyǵatyn áýejaıdyń áýe kemesiniń bortyna jiberilmeıdi. Soǵan qaramastan, ushaq bortyna PTR anyqtamasy joq sheteldikterdiń otyrýyna jol bergen áýe kompanııalaryna 4,5 mln teńge aıyppul salynady.
Ushaq bortynda jolaýshylarmen tolyq málimetteri bar saýalnamalar aldyn ala toltyrylady. Sanıtarlyq qyzmetkerler jolaýshylardy kútip alý kezinde saýalnamalardy jınap, anyqtamalardyń bar-joǵyn tekseredi. Almaty áýejaıyna kelgen kezde jolaýshylarǵa mindetti túrde termometrııa júrgiziledi. Osylaısha, ushaqtan shyǵar aldynda jolaýshylar eki dálizge bólinedi: anyqtamalary joqtar áýejaıdyń jekelengen aımaǵynda pasporttyq baqylaýdan ótedi. Odan keıin bul jolaýshylardy arnaıy qyzmet ókilderi karantındik stasıonarlarǵa ornalastyrý úshin ózderimen birge alyp júredi, onda olar PTR testileý ádisimen COVID-19-ǵa tekserýden ótip, nátıjesin kútedi. Teris nátıjeli anyqtamalary bar jolaýshylar áýejaıdan kete berýlerine bolady.
Jalpy, qalanyń áýejaıynda sanıtarlyq-epıdemıologııalyq baqylaýdyń barlyq qaýipsizdik sharalary qolǵa alynǵan. Áleýmettik ara-qashyqtyqty saqtaýǵa arnalǵan arnaıy belgiler, sanıtaızerler bar.
"Árbir halyqaralyq reıs kelgennen keıin ushyp kelý aımaǵyna dezınfeksııalyq óńdeý júrgiziledi. Qaýipsizdik qyzmeti maska rejımi men áleýmettik qashyqtyqtyń saqtalýyn qadaǵalaıdy", dep habarlady Almaty Halyqaralyq áýejaıynyń baspasóz qyzmeti.
Sonymen qatar, áýejaıdyń termınalynda COVID-19-ǵa tekserýden ótý múmkindigi bar. Materıal tapsyrý pýnkti ekinshi qabatta ornalasqan, onda tekserýdiń kelesi túrleri júrgiziledi: PTR-test, IFT-test jáne ekspress-testileý.
Belgili bolǵandaı, sanıtarlyq-epıdemııalyq qaýipsizdiktiń osy syndy sharalary birqatar elderde qolǵaı alynýda. Mysaly, Ońtústik Koreıanyń Asiana Airlines áýe kompanııasynyń ókili Vsevolod Kım Qazaqstan Respýblıkasy azamattarynyń Koreıa Respýblıkasyna kirý erejelerin túsindirdi.
"Koreıa Respýblıkasy bıliginiń sheshimimen Koreıa respýblıkasyna baratyn barlyq azamattardyń mindetti túrde PTR anyqtamasy bolýy kerek. Osy jyldyń 25 qazanyna deıin tek Asiana Airlines áýe kompanııasy úshin shekteýler qoıylǵan. Biz bortqa tek Koreıa respýblıkasynyń azamattaryn ǵana ala aldyq. Jaqyn aradan beri 25-shi qazannan beri elge kirý tártibi jeńildetildi, qazir biz ózimizdiń áýe kompanııamyzdyń bortyna basqa memleketterdiń azamattaryn ala alamyz. Biraq ár reıste 100 adamǵa deıin júkteý shekteýi qoıylǵan. Qazaqstan azamattaryna PTR anyqtamasynsyz Koreıaǵa barý múmkin emes", dep atap ótken ol Koreıa Respýblıkasyna barǵan kezde bir apta karantınde bolý mindetti sharttardyń biri ekenin aıtyp, sózin tolyqtyrdy.
