Is-sharaǵa mekemelerdegi sottalǵandardy eńbek jáne turmystyq qamtamasyz etý tobynyń qyzmetkerleri, oblystyq, qalalyq jáne aýdandyq probasııa qyzmetteriniń bastyqtary, sondaı-aq, "Biz adambyz, Biz birgemiz" Qoǵamdyq qorynyń dırektory Imanǵazy Dosmuhambetov, "Adam quqyqtary jáne zańdylyqty saqtaý jónindegi qazaqstandyq halyqaralyq bıýro" Qoǵamdyq birlestiginiń zańgeri Rolan Feratovıch, Aqtaý Jastar ortalyǵy dırektorynyń orynbasary Nursultan Satybaldyuly jáne telolog, voloterlar qatysty.
Kezdesý barysynda qor eriktileri men Aqtaý jastar ortalyǵynyń QAJ mekemelerinen bosatylǵan, sondaı-aq probasııa qyzmetiniń esebinde turǵan adamdarǵa áleýmettik-quqyqtyq kómek kórsetý boıynsha júrgizilgen jumystar atalyp ótti.
QAJ mekemeleri men probasııa qyzmetteri usynatyn tizimder boıynsha bas bostandyǵynan aıyrý oryndarynan bosap shyqqan jáne probasııa qyzmetine esepke alynǵan tulǵalarǵa, olardy oblystyń mádenı-áleýmettik ómirine, murajaılarǵa, drama teatrlarǵa aparý, sporttyq jarystarǵa qatystyrý arqyly kómekter kórsetý, azyq-túlik sebetterin, turmystyq tehnıka men jıhazdar usyný máseleleri qozǵaldy.
Sondaı-aq, bas bostandyǵynan aıyrý oryndarynan bosatylǵan adamdardy áleýmettik beıimdeý jáne olarǵa áleýmettik-quqyqtyq kómek kórsetý jónindegi aldaǵy ýaqyttaǵy is-sharalar talqylandy.
