Baǵdarlamanyń iske asyrý jónindegi is-sharalar jospary 5 baǵyttan turady.
Atap aıtqanda, sýmen turaqty qamtamasyz etý, memlekettik qoldaý, ınfraqurylymdy qurý, balyq resýrstaryn qorǵaý, halyqaralyq yntymaqtastyqty damytý, salany ǵylymı súıemeldeý jáne kadrlarmen qamtamasyz etý jónindegi sharalar.
Elbasy Nursultan Nazarbaevtyń bastamasymen "Syrdarııa ózeniniń arnasyn retteý jáne Aral teńiziniń soltústik bóligin saqtaý» jobasynyń júzege asyrylýy nátıjesinde oblysta balyq sharýashylyǵyn damýyna úlken múmkindikter jasaldy.
Oblys aýmaǵynda Syrdarııa ózeni, Kishi Aral teńizi jáne 207 kól bar. Balyq ónimderin óńdeýmen jáne eksportpen aınalysatyn jyldyq qýattylyǵy 12,5 myń tonna quraıtyn 9 balyq óńdeý zaýyttary jumys isteýde.
Ǵylymı-uıymdardyń zertteýlerine sáıkes oblystaǵy 207 kóldiń 95-si taýarly balyq ósirýge qolaıly. Sondyqtan, 2030 jylǵa qaraı óńirde balyq ósirýdi 5 myń tonnaǵa jetkizý josparlanýda.
Sharýashylyqtarǵa qazir balyq ósirý kezinde paıdalanylatyn azyqty satyp alýǵa jumsalatyn shyǵyndardyń 30% óteý jáne aýdany 50 gektardan kem emes kól-taýarly balyq ósirý sharýashylyǵy úshin jabdyqtar men tehnıkany satyp alýǵa jumsalǵan shyǵyndardyń 25% sýbsıdııalaý sııaqty memleket tarapynan qoldaý kórsetilip keledi.
Aldaǵy ýaqytta, 50%-ǵa deıin akvaósirý sýbektileri úshin balyq ósirý-bıologııalyq negizdemeni ázirleý, balyq ósirý materıalyn, dárilik preparattardy satyp alý, sharýashylyqtar qurýǵa ınvestısııalyq salymdar kezindegi shyǵyndardy óteýge baǵyttalǵan sýbsıdııalaý túrleri keńeıtiledi.
Sonymen qatar, Úkimet deńgeıinde balyq ósirý sharýashylyqtarynyń ornalasýyn, olarǵa qyzmet kórsetý jónindegi qurylystardyń qurylǵylaryn eskere otyryp, ınfraqurylymdy júrgizý úshin jaǵalaý aımaǵynda jáne sý qorǵaý beldeýinde jer ýchaskelerin bólý máselesi pysyqtalady.
Baǵdarlamany iske asyrý úshin 30,6 mlrd teńge qarjy qarastyrý josparlanyp otyr. Sonyń ishinde, balyq sharýashylyǵyn qoldaý maqsatynda, "Baıqońyr" áleýmettik kásipkerlik korporasııasyna 2021 jylyoblystyq bıýdjetten 1 mlrd teńge qarjy bólinedi.
Atap ótý kerek, 2030 jylǵa deıin, taýarlyq balyq óndirisiniń kólemin 5 myń tonnaǵa deıin ulǵaıtý ındıkatoryna qol jetkizý úshin 4 sharbaqtyq balyq ósirý sharýashylyqtary qurylyp, taýarly balyq ósiretin 10 toǵan sharýashylyǵy jasaqtalady, sonymen qatar, 3 tuıyq júıeli sýmen qamtamasyz etý qurylǵysy iske qosylady. Josparǵa sáıkes, - kól-taýarly sý aıdyndary sany 55-ke jetip, qurama jem zaýytynda táýliginde qýattylyǵy 80 tonna jem óndirisi qamtamasyz etiledi, plastıkalyq qaıyqtar shyǵaratyn seh salynady jáne Qamysty bas balyq pıtomnıgi qaıta jańǵyrtylady.
Sondaı-aq, baǵdarlama aıasynda 45 kólge elektr júıesin jetkizý jáne 49 dana gıdrotehnıkalyq qondyrǵylar ornatylady.
Osylaısha 2030 jylǵa deıin oblystyń balyq eksporty 2 esege, taýarly balyq óndirý kólemi 34 esege ósedi dep josparlanyp otyr. Bes júzden asa jańa jumys orny qurylady, balyq óńdeý zaýyttary tolyǵymen shıkizatpen qamtamasyz etiledi.
Jıynǵa qatysqan balyq sharýashylyǵy salasynyńǵalymdary, kásipkerleri men tabıǵat paıdalanýshylary baǵdarlama jobasy boıynsha óz oı-pikirlerimen bólisti.
Jıyn sońynda oblys ákimi Gúlshara Ábdiqalyqova "Balyq sharýashylyǵyn damytýdyń 2021 - 2030 jyldarǵa arnalǵan óńirlik baǵdarlamasyn bekitý týraly" oblys ákimdiginiń qaýlysyn ázirlep, usynýdy tapsyrdy.
