Vıse-premer epıdemıologııalyq ahýal jáne koronavırýstyń yqtımal tolqynyna daıyndyq boıynsha keńester ótkizip, oblys basshylyǵynyń atqarylǵan jumys týraly esebin tyńdady.
Aqtóbe oblysynda Premer-Mınıstrdiń orynbasary Aqtóbe medısınalyq ortalyǵynyń negizindegi provızorlyq stasıonardyń jumysymen tanysty. 
Sodan keıin vıse-premer 2021 jyldyń birinshi toqsanynda paıdalanýǵa berý josparlanǵan 190 tósek-oryndyq perınataldyq ortalyqtyń qurylys barysymen tanysty.
Eraly Toǵjanov «TK Farm Aqtóbe» JShS farmasevtıkalyq zaýytynda dárilik zattardy óndirý prosesimen tanysty. Kásiporynnyń qýattylyǵy jylyna 6 mln tabletka men kapsýlany, 75 tonna suıyq dári túrlerin jáne 12 tonna syǵyndyny quraıdy. Pandemııa kezinde kásiporyn antıseptıkter men medısınalyq maska shyǵarýdy jolǵa qoıdy.
Qazaqstandaǵy sıfrlyq stasıonarlyq jáne mobıldi rentgen apparattarynyń jalǵyz óndirýshisi «Aktıýbrentgen» AQ bolyp otyr. Eraly Toǵjanovqa pandemııa bastalǵannan beri elimizdiń medısınalyq mekemeleri úshin 48 sıfrlyq rentgen apparatyn shyǵarǵan iri kásiporynnyń jumysy tanystyryldy.
Budan ári Batys Qazaqstan oblysynda vıse-premer Oral qalasyndaǵy josparly emdeýge jatqyzý boıynsha kópbeıindi aýrýhananyń jumysyn tekserdi. Medısına qyzmetkerlerimen kezdesýde E. Toǵjanov oblystyq jedel járdem stansııasyna 20 avtokólik kiltin saltanatty túrde tabys etti.
Sapardyń kelesi pýnkti aǵymdaǵy jyldyń qarasha aıynda paıdalanýǵa berý josparlanǵan oblystyq 200 oryndyq juqpaly aýrýlar aýrýhanasynyń qurylys barysymen tanysý boldy.
Sondaı-aq, delegasııa dárilik zattar men medısınalyq buıymdardyń 7 myńnan astam ataýynyń dıstrıbıýtory – «Talap» AQ dárihanasyna bardy. E. Toǵjanov halyqty jáne densaýlyq saqtaý nysandaryn dári-dármekpen qamtamasyz etýdiń mańyzdylyǵyna nazar aýdardy.
Jumys saparynyń jalǵasy retinde Eraly Toǵjanov COVID-19 taralýyn boldyrmaýǵa baǵyttalǵan sanıtarlyq sharalardy tekserý maqsatynda «Syrym» baqylaý-ótkizý beketiniń jumysyn tekserdi.
Sapar sońynda óńir basshysy vıse-premerge 2020-2021 jyldarǵa arnalǵan Jumyspen qamtýdyń jol kartasy baǵdarlamasy aıasynda atqarylǵan jumystardyń nátıjesi týraly baıandady.
