Qabyldanǵan sheshim boıynsha aǵymdaǵy jyldyń 2 qarashasynan bastap (juma namazyn qospaǵanda) meshitterde ujymdyq namaz (bes ýaqyt namaz) ótkizýge ruqsat berildi.
Alaıda meshitte 100 adamnan artyq kisi bolmaýy kerek. Sondaı-aq adamdar betperdelik rejimmen 2 metr áleýmettik araqashyqtyqty saqtaýlary qajet. Qazaqstan musylmandary dinı basqarmasy meshitke kelýshi jamaǵatty sanıtarlyq-dezınfeksııalyq rejımdi qatań saqtaýǵa shaqyrady.
Túrkistan oblysynyń bas ımamy Musabek Aqtamberdi karantın jaǵdaıyna baılanysty ázirge juma namazy oqylmaıtynyn habarlady.
Budan bólek, meshit qyzmetkerleri men kelýshiler mindetti túrde betperdemen júrýi mindetti. Barlyq meshitterdiń namaz oqıtyn, quran oqıtyn bólmelerinde antıseptıkalyq quraldarmen qamtamasyz etiledi. Meshitke jeke qulshylyqqa kelgen azamattardyń meshitte uzaq ýaqyt bolmaýy kerek. Meshit dárethanalary karantın rejimi aıaqtalǵansha jabyq turady.
