B.T. Taısalovanyń 2017-2018 jyldar aralyǵynda Qazaqstandaǵy sheteldik kompanııanyń múddesin qorǵap, qazirgi ýaqytta halyqaralyq izdeýde júrgen adamdarmen aldyn-ala sóz baılasý áreketin jasaǵany anyqtaldy. Ol sheteldik "sybaılastaryna" adam aǵzalaryna qatysty zańsyz mámileler jasaýǵa kómektesken.
Sonymen birge, Taısalova donor men resıpıent arasyndaǵy otbasylyq baılanystar týraly jalǵan qujattardy qoldanǵany da anyqtaldy. О́teýsiz kelisimdi notarıaldy kýálandyryp, solardyń negizinde organdar transplantasııasy júrgizilgen Qazaqstannyń medısınalyq mekemelerine jibergen.
"Al transplantasııa jasaǵan dárigerler Qýttymuratov G.M. jáne Donbaı A.A., jalǵan qujattar týraly bilmegen, barlyq organdardy transplantasııalaý operasııalary tıisti qujattardy tirkeýmen resmı túrde júrgizilgen", delingen sot habarlamasynda.
Sot operasııalarǵa aqy tóleý medısınalyq mekemeniń esep bólimi arqyly júzege asyrylǵanyn da atap ótti.
"Osyǵan baılanysty, Quttymuratov pen Donbaı zańsyz organdar transplantasııasy úshin kináli emes dep tanyldy. Sonymen birge, Quttymuratov jasaǵan transplantasııalaý operasııasynyń nátıjesinde naýqas VICh-ke shaldyqqan. Iаǵnı dárigerler óz mindetin tıisti deńgeıde oryndamady", dep túsindirdi sýdıa.
Atalǵan iske baılanysty Quttymuratov Qylmystyq kodekstiń 317-baby, 5-bóligi boıynsha 2 jyl 6 aıǵa bas bostandyǵynan aıyryldy. Sot bul múmkin bolatyn eń joǵarǵy jaza ekenin atap ótti. Úkim áli zańdy kúshine engen joq.
Taısalova Qylmystyq kodekstiń 28-baby, 5-bóligi, 116-baby, 2-bóligi, 3, 4-tarmaqshalary, 385-baby, 3-bóligi boıynsha alty jylǵa bas bostandyǵynan aıyryldy (jaza 6 jyl 8 aıdan aspaýy kerek).
