Chılı ánshisi Djonatan Donoso bala kezden shyǵarmashylyqqa bet burdy. Segiz jasynda festıvaldarǵa qatysyp, án jáne anımasııalyq keshterde óner kórsetti. Osylaı mýzykaǵa alǵashqy qadam basty. Jasy 32-ge kelgen ánshiniń áli kúnge deıin án ónerine súıispenshiligi óshken emes.
Djonatan Chılıdegi shaǵyn, biraq óte ádemi qala Renoda dúnıege keldi. Qazir ol óziniń qyzy Anıta Lıgerospen birge San-Fernandoda turady. Emılııa, Martın jáne Danaı esimdi úsh balasy bar.
Djonatan bir jyl buryn Dımashtyń «S.O.S»ánin oryndap, Youtube jelisine júktegen bolatyn. О́ziniń aıtýynsha, osy sátten bastap onyń ómiri túbegeıli ózgerdi.
Osydan keıin Djonatan qazaq uly Dımashtyń shyǵarmalaryn qalt jibermeı qadaǵalap otyrdy. Jańa ánderin taǵatsyzdana kútýdi ádetke aınaldyrdy. Onyń ánderine kaver jasaýǵa qushtarlyǵy oıandy. Shyǵarmany qaıta oryndaý ǵana emes ánniń mátinin ıspan tiline aýdaryp oryndaýdy qolǵa aldy.
«Ándi tyńdaǵan kezde men onyń maǵynasyn túsinbeımin, óıtkeni basqa tilde. Biraq ol maǵan qatty unap, bir áreket jasaýǵa belgi bergendeı boldy. Bul sezim Dımashtyń «Give Me Love» ánin tyńdaǵan kezde paıda boldy. Ánniń áýeni qatty áser etti de birden aýdarmasyn izdedim. Aýdarmasy tipti tań qaldyrdy. Mátin meniń basymanan ótken qıyn kezeńder men oılarymdy sıpattaǵandaı bolyp, birden kaver jasaımyn dep sheshtim«, – deıdi vokalıst.
Djonatan ánniń aýdarmasynyń úsh nusqasyn taýyp, ıspan tilinde ádebı mátin jazdy. Osydan keıin, óziniń alǵashqy shyǵarmasyn oryndap, vokalıst ony Smule jáne YouTube-ke júktedi.
