"2020 jyldyń 1 shildesine ShOB salasynda jumyspen qamtylǵandar sany 358 524 adamdy qurady, 2019 jyldyń tıisti kezeńimen salystyrǵanda 1,3%-ǵa artty. 2019 jylǵy 1 shildedegi jaǵdaı boıynsha bul kórsetkish ústimizdegi jyly 4485 birlikke ulǵaıdy. Bul kórsetkishtiń ósýine kásipkerlik áleýeti bar halyq sanynyń ósýi jáne jumys istep turǵan kásiporyndardyń keńeıýi áser etedi", dep habarlady basqarma.
Basqarmanyń málimetinshe, 2020 jylǵy 1 qazandaǵy jaǵdaı boıynsha Nur-Sultanda jumys istep turǵan ShOB sýbektileriniń sany 140 342 birlikti quraıdy. О́tken jyldyń sáıkes kezeńimen salystyrǵanda kórsetkish 6,7%-ǵa artty. Zańdy tulǵalarǵa 50 331 shaǵyn jáne orta bıznes, jeke kásipkerlerge – 89 677, sharýa qojalyqtaryna 334.
Sondaı-aq, óz isin keńeıtýdi qalaıtyndar úshin "Bıznestiń jol kartasy" jumys isteıdi. Jergilikti atqarýshy organdar kásipkerlerge granttar bólip, ınfraqurylymdyq qoldaý jasaıdy. Jumys istep júrgen kásipkerler de, óz isin ashqysy keletin qazaqstandyqtar da, onyń ishinde áıelder, múmkindikteri shekteýli adamdar jáne 50 jastan asqan adamdar konkýrsqa qatysa alady. Bıyl Nur-Sultanda 57 grant ıegeri anyqtaldy.
