MÁMS aıasynda elordanyń medısınalyq mekemeleri profılaktıkalyq tekserý, konsýltatıvtik-dıagnostıkalyq jáne stasıonarlyq kómek, sondaı-aq qalypqa keltirý emi qyzmet túrlerin kórsetti. Bul týraly brıfıngte qalalyq qoǵamdyq densaýlyq saqtaý basqarmasynyń basshysy Tımýr Muratov aıtty.
"Sonymen qatar, jyl basynan beri KT jáne MRT, medısınalyq-genetıkalyq zertteýlerdi, zertteýlerdiń qymbat túrleri BMSK dárigeriniń joldamalary boıynsha barlyq pasıentterge tegin kórsetildi", dep habarlady Tımýr Muratov.
Sondaı-aq qańtar aıynan bastap, ambýlatorııalyq deńgeıde usynylatyn dárilik zattardyń tizimi kóbeıdi. Atap aıtqanda, oǵan 29 eresek jáne 53 balalar aýrýlary boıynsha jańa nozologııa engizilgen.
"Áleýmettik Densaýlyq saqtaý qory" elordalyq fılıalynyń dırektory Nurlybek Qabdyqaparov atap ótkendeı, naýqastarmen turaqty keri baılanys júrgiziledi.
"Baılanys-ortalyǵyna 1406 nómiri arqyly azamattardyń ótinishteri men shaǵymdary qabyldanady. Medısınalyq qyzmet kórsetý máseleleri boıynsha Qordyń Nur-Sultan qalasy boıynsha baılanys ortalyǵynda 2020 jylǵy 1 qańtar men 1 qarasha aralyǵynda 92 241 ótinish tirkelgen, olardyń barlyǵy bólim mamandarymen qaralǵan", dedi Nurlybek Qabdyqaparov.
Esterińizge sala keteıik, MÁMS júıesindegi óz mártebeńizdi resmı servıster arqyly – MÁSQ saıtynan fms.kz, "Qoldau 24/7" mobıldi qosymshasynda, Telegram-daǵy Saqtandyru-bot-ta tekserýge bolady.
Qoldau 24/7 qosymshasyn júktep alyp, ótinish, alǵys, usynys qaldyrýǵa bolady. Mindetti áleýmettik medısınalyq saqtandyrý jáne medısınalyq qyzmet kórsetý máseleleri boıynsha keńes alý da múmkin.
