"Eger barlyq polıseıler qarapaıym adamdardyń basyndaǵy qıyndyqtaryna osylaı qarasa, áldeqaıda jaqsy bolar edi. Bizben tek áńgimelesip qana qoımaı, jumyspen qamtý ortalyǵyna aparyp, bos jumys ornyn da týyp berdi, endi áńgimelesýden ótip, qyzym paıdaly ispen aınalysady degen úmittemin", deıdi óziniń hatynda jábirlenýshiniń anasy.
21 jastaǵy áıelge kún kórsetpegen kúıeýiniń ústinen buǵan deıin de talaı ret shaǵym túsken. Alaıda áıel óziniń shaǵymdaryn keri qaıtaryp alyp nemese sotta tatýlasyp otyrǵan. Kezekti qoljumsaýdan keıin ol ata-anasynyń úıine ketip qalǵan. "Ýchaske" JPSh aıasyndaǵy úı-úıdi aralaý kezinde polıseıler otbasylyq janjaldyń ústinen shyǵyp, jas áıeldi bul jaǵdaıdy jyly jaýyp qoımaýǵa kóndiredi.
Aqyry jábirlenýshiniń kúıeýi tarapynan bolǵan zań buzýshylyqtardy kýálandyratyn qosymsha jınalǵan materıaldar ony bas bostandyǵynan aıyrýǵa negiz boldy. Buryn sottalǵanda oǵan bas bostandyǵyn shekteý jazasy qoldanylǵan. Endi shekteý sharttaryn jıi buzýyna baılanysty onyń bul jazasy qatań túrge aýystyrylǵan. Osynyń ústine janjalqoı otbasy-turmystyq qatynas aıasynda buzýshylyq jasaǵany úshin jazaǵa tartylmaq.
PETROPAVL
