Jaıyqtyń ekojúıesin saqtaýǵa baǵyttaldy

Birlesken baǵdarlamanyń jobasy Jaıyq transshekaralyq óze­ni basseıniniń ekojúıesin saq­taý jó­­nindegi Qazaqstan-Reseı ko­mıs­sııasynyń ekinshi otyrysynda tal­qylandy.

Beınebaılanys formatynda ótken kezdesýde Qazaqstan tarapynan Ekologııa, geologııa jáne tabıǵı resýrstar vıse-mınıstri Ahmetjan Pirimqulov, sondaı-aq kórshiles elden Reseı Federasııasy Tabıǵı resýrs­tar jáne ekologııa mınıstriniń orynbasary Sergeı Iаstrebov qatysyp, ortaq akvatorııanyń keleshegin pysyqtady.

Basqosýda Parlament Máji­lisi men Reseı Federasııasy Federaldyq Jınalysy Memle­kettik Dýmasynyń depýtattary, ǵalymdar, memlekettik qury­lym­dar men qoǵam ókilderi de Jaıyq ózenine baılanysty qor­dalan­ǵan problemalar týraly pikir almasýǵa múmkindik aldy.

Kezdesý barysynda atalǵan ózen basseıniniń ekojúıesin jaqsartý men transshekaralyq lastanýdy boldyrmaý jónindegi 2019-2020 jyldarǵa arnalǵan is-sharalar josparynyń oryndalýy týraly aıtyldy.

Buǵan qosa qatysýshylar 2019 jylǵy shilde aıynda halyqaralyq tájirıbeni zerdeleý jáne Jaıyq ózeni basseıniniń ekojúıesin saqtaýdyń birlesken ınstıtýsıonaldyq jáne eko­nomıkalyq tetigi boıynsha usy­nystar daıyndaý jónindegi semınarda aıtylǵan usynystardy talqylady.

Mańyzdy otyrystyń qory­tyn­dysyna sáıkes Jaıyq trans­she­karalyq ózeni basseıniniń eko­júıesin saqtaý jónindegi Qazaqstan-Reseı ynty­maq­­tas­tyǵynyń 2021-2024 jyl­darǵa arnal­ǵan baǵdar­lama­syna 12-13 qarashada Kók­she­taýda ótetin Qazaqstan men Reseı Fede­ra­sııasynyń XVII óńir­ara­lyq yn­­tymaqtastyq forýmy sheń­berinde qol qoıý týraly she­shim qabyldandy.