Indettiń kúsheıýi – ózimizden

Oblysta koronavırýs bo­ıynsha jaǵdaı kúrdelene tústi. Indet bastalǵannan 2 qara­shaǵa deıingi statıstıkalyq má­li­metter boıynsha oblys­ta laboratorııalyq jolmen anyq­­talǵan 3 805 oqıǵa tirke­lip­ti. 1 qazan men 2 qarasha aralyǵynda 318 adam aty jaman indetke shaldyqqan. Onyń 184-i – Kókshetaý qalasynyń, 29-y – Býrabaı aýdanynyń, 27-si – Stepnogor qalasynyń, 48-i – Birjan sal aýdanynyń, 10-y – Atbasardyń, 10-y qalǵan aýdandardyń turǵyndary.

Oqýshylar arasynda 19 bala­dan indet laboratorııalyq jol­men anyqtalsa, mektepke de­­ıin­gi mekemelerde 11 baldyrǵan men 2 tárbıeshi atalǵan in­­detke shaldyqqan. Oblys­ta­ǵy ko­ronavırýstyń taralý jaǵ­da­ıy boıynsha málim bolǵan kór­setkishterge kóz júrgirtsek, jaǵ­daı óte kúrdeli. О́tken aptada indetti juqtyrý ósimi 2,2 paıyzdy qurady. Sońǵy úsh ap­tada Kókshetaý qalasynyń tur­ǵyn­dary arasynda COVID-19 aýrý­y­nyń ósimi 3,5 ese ulǵaıǵan. Aldyńǵy aptada Birjan sal aýdanyndaǵy «Semizbaı-Ý» ken ornynda 43 adamnan korona­vı­rýs juqpasy anyqtalyp, qa­zir­gi ýaqytta barlyq kenshi ka­ran­tındik gospıtalde em qa­byl­daý­da. Oblystyń bas sanı­tar­lyq dárigeriniń málimdeýinshe, onda qazir sońǵy dezınfeksııalyq ju­mys­tar júrgizilip jatyr.

– Oblysta indettiń taralý jaǵ­daıy kúrdelene tústi. Qazir biz­diń óńir epıdemııalyq ahýal bo­ıynsha jasyl deńgeıge kirdi, sondyqtan karantın talaptaryn qatańdatý qajet. Sanıtarlyq beketter karantın aımaǵyna kirý jáne shyǵý pýnktterinde ornatylady, – deıdi A. Mýsına.

Sonymen, oblystyń bas mem­le­kettik sanıtarlyq dári­ge­ri­niń 3 qarashadaǵy qaýlysyna sáıkes bıyl 7 qarashadan bas­tap karantındik shekteýler kú­sheı­ti­le­di. Kókshetaý qala­sy­nyń jan-ja­ǵynan sanıtarlyq beketter ornatylyp, demalys jáne mereke kúnderi qalaishilik qoz­ǵa­lys kólikteri toqtatylady.

Brıfıng sońynda óńirdiń bas sanıtarlyq dárigeri tur­ǵyn­dardan sanıtarlyq talaptar­dy saqtap, árkim óziniń jáne ja­qyn­da­rynyń densaýlyqtaryn qada­ǵalap, karantınge túsinis­tik­pen qaraýǵa shaqyrdy.

Alǵashqy tolqynnan áýpirim­dep ótkennen keıin el baıaǵy mamyrajaı qalypqa túsken. Oblys ortalyǵyndaǵy meıramhanalarda úılený toılary, qudalyq, janaza asy ótkizile bastady. Meı­ramhana ıeleri qýlyqqa bas­­qan. Esik-terezeni tumshalap, kóz baılanǵan ýaqytta jaryq kórin­beıtindeı etip jasyrdy. Biraq biz jasyrǵanmen, indet jasyrynbaıdy eken. Esikten syǵalap tórge ozdy. Tekserý kóbeıgen soń sál tyıylǵandaı boldy. Osy kezde kottedjderin jalǵa beretinderdiń aıy ońynan týyp, qaterli kásipterin údete bastady. Janazaǵa barýshylar da báz-baıaǵy qalpynda. О́zderiniń sanıtarlyq talapty buzǵan áre­ket­­terin barmaı qalsaq uıat bo­la­­dymen aqtaǵandardyń sońy in­dettiń órshýine ákeldi. Eger barlyq talap saqtalsa, jaman tumaý búgingideı órshimes pe edi, kim bilsin?!

Aqmola oblysy