Aıta ketý kerek, Qazaqstandyq ıpotekalyq kompanııasyna Qordyń úlestik qurylysty aıaqtaý boıynsha kepildikter berý fýnksııasy da ótti.
Osylaısha, Turǵyn úı qurylysynyń biryńǵaı operatoryn qurý sońǵy satysynda tur. Sonymen qatar ataýyn «Qazaqstandyq turǵyn úı kompanııasy» dep ózgertý josparlanýda.
Esterińizge sala keteıik, «Báıterek» holdıngi Memleket Basshysy Qasym-Jomart Toqaevtyń tapsyrmasy boıynsha óziniń turǵyn úı blogyn ońtaılandyrýdy júrgizýde. Bul úshin Holdıng óziniń «Báıterek development» jáne «Turǵyn úı qurylysyna kepildik berý qory» eki enshiles kompanııasyn úshinshi – «Qazaqstan ıpotekalyq kompanııasyna» biriktirýdi júzege asyrdy. Osy maqsatta barlyq zańnamalyq aspektiler rettelgen. QIK-ke sondaı-aq qurylys salýshylardy sýbsıdııalaý boıynsha «Damý» kásipkerlikti damytý qorynyń fýnksııalary beriletin bolady.
Biryńǵaı operator jeke qurylys salýshylarmen jáne jergilikti atqarýshy organdarmen mynadaı quraldar arqyly qoljetimdi turǵyn úı salý boıynsha ǵana jumys isteıtin bolady:
1) ákimdikterdiń oblıgasııalaryn satyp alý tetikteri arqyly turǵyn úı qurylysyn qarjylandyrý;
2) úlestik qurylysty aıaqtaý boıynsha kepildikter berý;
3) jeke qurylys salýshylardyń kommersııalyq kredıtteri boıynsha sýbsıdııalaý;
4) ákimdikter janyndaǵy ýákiletti uıymdarǵa, sondaı-aq memlekettik baǵdarlamalar sheńberinde turǵyn úı salýdy júzege asyratyn zańdy tulǵalarǵa kredıt berý;
5) ınvestısııalyq jobalardy qarjylandyrý jáne iske asyrý;
6) turǵyn úı qurylysy máseleleri boıynsha taldamalyq zertteýler júrgizý;
7) ýákiletti organnyń lısenzııasy negizinde ıpotekalyq qyzmet;
8) qoljetimdi turǵyn úı qurylysy máseleleri boıynsha strategııalyq IT-bastamalardy damytý.
Qyzmetti ońtaılandyrý jáne qaıtalanatyn fýnksııalardy alyp tastaý esebinen jalpy ákimshilik shyǵystar 40%-ǵa nemese 3,4 mlrd teńgege qysqartylatyn bolady. Shtat sany 32%-ǵa nemese 101 birlikke, onyń ishinde basqarýshy býyn qysqartylatyn bolady.
