Medısına • 06 Qarasha, 2020

Jaqsylyq jaýǵan kún

31 ret kórsetildi

Búgin Kókshetaý qalasynda aq túıeniń qarny jarylǵan súıinishti oqıǵa oryn aldy. Oblys ákimi Ermek Marjyqpaev óńirdegi medısınalyq mekemelerge 8 jyljymaly medısınalyq keshen, oblys ortalyǵyndaǵy jedel járdem stansııasyna 38 reanımobıl jáne ishki ister salasy qyzmetkerlerine 24 patrýl, órt sóndirýshilerdiń saty ornatylǵan avtokólikteriniń  kiltin tabys etti. Kókshetaýdyń qoǵamdyq transporty jańa 16 avtobýspen tolyqty, dep habarlaıdy Egemen.kz

Karantınniń qatań talaptaryn saqtaı otyryp ótkizilgen shara barysynda 6 medısına qyzmetkeri men 8 tártip saqshysy "Halyq alǵysy" medalimen marapattaldy.

– Búgingi tańda jaman tumaýdyń ekinshi tolqynyna daıyndyq yjdahatty júrgizilýde. Basty mindet ınfeksııanyń taralýyna jol bermeı, aldyn alý. Naýqasqa shaldyqqandardy emdeý. Osy oraıda, óńirde jańa zamanǵy medısınalyq nysandar salynyp, aýrýhanalardyń materıaldyq-tehnıkalyq bazasy nyǵaıtylýda, – dedi ákim óz sózinde.

1

Taǵy bir aıta qalarlyq jaǵymdy jańalyq – Kókshetaýda koronavırýsqa shaldyqqan naýqastar emdeletin zamanaýı úlgidegi juqpaly aýrýlar ortalyǵy ashyldy. Bul ortalyq 200 kereýetke shaqtalǵan. Onda Germanııa men Reseıden alynǵan jańa jabdyqtar ornatylǵan. 8 korpýstan turatyn nysanda kólikterdi dezınfeksııalaý pýnkti, medısınalyq qaldyqtardy zalalsyzdandyrý orny, jan saqtaý bólimshesi, ortalyqtandyrylǵan ottegi stansııasy, jylý qazandyǵy bar. Bir aıta keterligi, qurylys jumysy tórt aıda aıaqtalǵan. Jobanyń quny 7 mlrd 185 mln teńge. Jalpy aýmaǵy 4,4 gektardy quraıtyn nysan qurylysyna 620 adam tartylǵan.

Memleket basshysynyń tapsyrmasyna oraı ashylǵan dál osyndaı ortalyq elimizde neken-saıaq. Sondaı-aq, búgin oblystyq kópbeıindi aýrýhana magnıtti-rezonansty tomografııa kabıneti ashyldy.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar