Epıdemıologııalyq jaǵdaı men qabyldanyp jatqan sharalar týraly Shyǵys Qazaqstan oblysynyń ákimi D. Ahmetov, О́skemen qalasynyń ákimi J. Omar, Semeı qalasynyń ákimi E. Sálimov, Zaısan aýdanynyń ákimi S. Zaınýldın, Rıdder qalasynyń ákimi D. Gorkovoı, Altaı aýdanynyń ákimi Q. Baıǵonysov jáne densaýlyq saqtaý mınıstri A. Soı baıandady. Qazirgi ýaqytta QR-da koronavırýs ınfeksııasymen aýyrǵandardyń 50%-y Shyǵys Qazaqstan oblysynda anyqtalǵan. Aýrýdy juqtyrǵandar sany boıynsha oblys qyzyl aımaqta ornalasqan.
О́tken aptamen salystyrǵanda, óńirde syrqattanýshylyq 5,4 esege ósti, kún saıyn 350-den asa aýrý tirkelip otyr, jaǵdaıy aýyr naýqastardyń sany artty. 7 kún ishindegi R reprodýktıvti sany 1,25 quraıdy. Infeksııalyq tósek-oryndardyń júktemesi 23%, reanımasııalyq tósek-oryndar júktemesi 27,8% jetti. Aýyrýdyń asa joǵary kórsetkishteri О́skemen jáne Semeı qalalarynda baıqalyp otyr.
Shyǵys Qazaqstan oblysynda 584 mobıldi medısınalyq brıgadanyń jumysyn úılestiretin Aýrý oshaqtaryn oqshaýlaý ortalyǵy jumys isteıdi. Búgingi tańda jelide 516 brıgada bar, olar 1978 ınfeksııa oshaǵyn jáne aýrýdy juqtyrǵandarmen baılanysta bolǵan 4709 adamdy baqylaıdy. Qajet bolǵan jaǵdaıda qosymsha 100 brıgada qurýǵa múmkindik bar. О́ńirde 3254 ınfeksııalyq tósek-oryndy, onyń ishinde 205 reanımasııalyq tósek-oryndy qamtyǵan 30 ınfeksııalyq stasıonar jumys isteıdi. Qosymsha 2756 ınfeksııalyq tósek-oryndy, onyń ishinde 194 reanımasııalyq tósek-oryndy qamtyǵan 10 rezervtik stasıonar jasaqtalǵan. Medısınalyq mekemeler 346 О́JJ apparatymen jáne 1142 ottegi konsentratorymen qamtamasyz etilgen. 21 stasıonarda ortalyqtandyrylǵan ottegimen qamtamasyz etý bar. Turaqtandyrý qoryn tolyqtyrý úshin jergilikti bıýdjetten 1,9 mlrd teńge bólindi, bul medısınalyq mekemelerde eki aılyq dári-dármekter men jeke qorǵanysh quraldarynyń qoryn qalyptastyrýǵa múmkindik berdi. Jedel medısınalyq járdem mashınasy parki 60 birlikke tolyqty, jyl sońyna deıin qosymsha 156 mashına jetkiziledi dep kútilýde. Shyǵys Qazaqstan oblysynda COVID-19 dıagnostıkalaý boıynsha 13 zerthana jumys isteıdi. 311 myń adam, onyń ishinde sońǵy táýlikte 4743 adam tekserildi.
2020 jylǵy 1 jeltoqsanǵa deıin О́skemen jáne Semeı qalalarynda, sondaı-aq Kúrshim jáne Úrjar aýdandarynda qosymsha 5 PTR-zerthana ashý josparlanýda. Testileý qýaty táýligine 6 myń tekserýge deıin jetkiziletin bolady. 128 monıtorıng toby jumys isteıdi. 4651 nysandy qamtýmen 1627 reıd júrgizildi. Úkimet basshysy Shyǵys Qazaqstan oblysynyń ákimdigine koronavırýs ınfeksııasynyń odan ári taralýyna jol bermeý, halyqqa sanıtarlyq talaptardy túsindirý jáne olardyń saqtalýyn baqylaý, alǵashqy medısınalyq-sanıtarlyq kómekti nyǵaıtý, medısınalyq mekemelerdi bilikti kadrlarmen tolyqtyrý úshin jaǵdaı jasaý boıynsha jumysty kúsheıtýdi tapsyrdy.
