Qoǵam • 09 Qarasha, 2020

Birqatar oblysta poıyzdardyń júrý jıiligi qysqardy

52 ret kórsetildi

"Jolaýshylar tasymaly" AQ baspasóz qyzmeti elimizdegi birqatar oblysta poıyzdardyń júrý jıiligi qysqarǵanyn málim etti, dep habarlaıdy Egemen.kz

Soltústik Qazaqstan, Aqmola, Qostanaı jáne Pavlodar oblystary boıynsha "COVID-19" koronavırýsynyń taralýyn boldyrmaý maqsatynda QR aýmaǵynda koronavırýstyq ınfeksııanyń týyndaýy men taralýyna jol bermeý jónindegi vedomstvo aralyq kommıssııa sheshimine jáne QR Indýstrııa jáne ınfraqurylymdyq damý mınıstrliginiń hatyna sáıkes kelesi jolaýshylar poıyzdarynyń jol júrý jıiligi qysqarady:

1) Aǵymdaǵy jyldyń 9 qarashasynan bastap №705/706 "Almaty-Petropavl" jolaýshylar poıyzy kún ara qatynaıtyn bolsa, №31/32 "Pavlodar – Almaty" jolaýshylar poıyzy belgilengen kúnder boıynsha qatynaıdy.

2) Keıbir oblystarda barlyq stansalarǵa bıletter satýǵa jáne jolaýshylardy otyrǵyzýǵa/túsirýge ýaqytsha tyıym salynady:

a) Aqmola oblysynda Atbasar, Ereımentaý, Arshaly stansalarynan, 1, 2 jáne 3-synypty vokzaldar ornalasqan Býrabaı, Esil, Makınka, Aqkól, Jaltyr jáne Kókshetaý kýrorttaryn qospaǵanda;

b) Pavlodar oblysynda Pavlodar, Ekibastuz, Aqsý-2 jáne Bozshakól stansalaryn qospaǵanda;

c) Qostanaı oblysynda Qostanaı, Tobyl, Qusmuryn, Esil, Arqalyq jáne Jelezorýdnaıa stansalaryn qospaǵanda;

d) Soltústik Qazaqstan oblysynda barlyq stansalar arqyly jolaýshylardy otyrǵyzýǵa/túsirýge tranzıttik jolaýshylar poıyzdarynyń qozǵalysyna tyıym salynady. Sonymen qatar, № 68/67 "Nur-Sultan Nurly jol – О́skemen-1" jolaýshylar poıyzynyń aptasyna bir ret jol júrý merzimi jáne № 351/352 "Almaty-2 – О́skemen-1" jolaýshylar poıyzy osy jyldyń sońyna deıin ýaqytsha kún ara qatynaýy uzartyldy.

Petropavl stansasynan jolaýshylar tasymalynyń poıyzymen shyǵý úshin nátıje berilgen kúnnen bastap 3 táýlikten aspaıtyn teris nátıjeli COVID-19-ǵa PTR testileýden ótkeni týraly anyqtama mindetti túrde bolýy qajet. Koronavırýsqa PTR testileýden ótkeni týraly anyqtama bolmasa jolaýshylar vagonǵa otyrǵyzýǵa jiberilmeıdi, sondaı-aq temirjol vokzaldary ǵımarattaryna kútip alýshylar men shyǵaryp salýshylarǵa kirýge tyıym salynady.

Petropavldan jolaýshylar poıyzdarynda qoǵamdyq tamaqtaný obektileriniń qyzmetin uıymdastyrý kóliktegi Bas memlekettik sanıtarlyq dárigerdiń qaýlysynyń talaptaryna sáıkes qamtamasyz etiledi. Jol júrý qujattaryn (bıletterin) toqtatylǵan poıyzdar men tyıym salynǵan turaqtarǵa resimdegen, sondaı-aq COVID-19-ǵa PTR testileýden ótkeni ne onyń jaramsyzdyǵy týraly anyqtamasy bolmaǵan jolaýshylar jol júrý qujattaryn (bıletterin) qaıtaryp jáne aqshalaı qarajattaryn tolyq kólemde qaıtaryp alady. Bıletterdi qaıtarý jolaýshylardy tasymaldaý erejesinde kózdelgen merzimde bılette kórsetilgen stansadan poıyz jóneltilgen sátten bastap 1 saǵattan keshiktirilmeı júrgiziledi.

Tólemderdi qaıtarý bıletti qaıtarý tártibi men satyp alý tásiline qaraı qolma-qol jáne qolma-qol aqshasyz esep aıyrysý arqyly júrgiziledi.

"Jolaýshylar poıyzdarynyń qozǵalys kestesi boıynsha barlyq anyqtamalyq aqparatty "105" nómiri arqyly bilýge bolady. Jolaýshylardan qabyldanyp jatqan sharalarǵa túsinistikpen qarap, koronavırýstyq pandemııanyń taralýy kezeńinde sanıtarlyq-epıdemııalyq talaptardy saqtaýlaryn suraımyz", delingen habarlamada.

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar