Qazaqstan Respýblıkasy Ekologııa, geologııa jáne tabıǵı resýrstar mınıstrliginiń "Qazsýshar" RMM bastamasymen Pavlodar oblysynyń Maı aýdanynda jergilikti toptyq sý qubyryn rekonstrýksııalaý jobasy júzege asty. Nátıjesinde, 11 myń adam turatyn 16 eldi mekendi taza aýyz sýmen qamtýǵa múmkindik beretin sý tazalaý stansasy iske qosyldy.
Sý qubyrynyń uzyndyǵy 148, 7 shaqyrymdy quraıdy. Sý kózi – jer asty sýlary. Jobalyq ónimdiligi – táýligine 4150 metr kýb. Joba quny 5 mln teńgeden asady.
Maı toptyq sý qubyrynyń rekonstrýksııasy men sý tazartý stansııasy iske qosylǵannan keıin aýdan turǵyndary tek taza aýyz sýǵa qoljetkizip qana qoıǵan joq, sonymen birge turmystyq qajettilik pen sharýashylyqqa da tazartylǵan sý paıdalanady.
Aıta keteıik, jergilikti halyqty taza aýyz sýmen qamtý úshin 2018 jyly Maı toptyq sý qubyryn rekonstrýksııalaý jumysy bastaldy. Rekonstrýksııalaý jobasynda Ertis ózeni alqabyndaǵy uzyndyǵy 148,7 km bastoǵanyn qalpyna keltirý qarastyrylǵan. Jobanyń júzege asýy klassıkalyq tehnıkalyq sý tazalaý tehnologııasymen salystyrǵanda shaıyndy sýlardyń kólemin azaıtýǵa múmkindik berdi.
