Túrkistan oblysynyń jolaýshylar kóligi jáne avtomobıl joldary basqarmasynyń tapsyrysymen "Korporasııa Bereke A" JShS merdiger mekemesi 2020 jyldyń mamyr-qyrkúıek aılary aralyǵynda atalǵan jumystardy atqardy. Jóndeý jumystary kezinde, apatty jaǵdaıdaǵy kópir tolyǵymen qaıta qurastyryldy.
Sondaı-aq kópirdi kóterip turatyn eski tirekterdiń ornyna burǵylap quıý ádisimen tereńdigi 10 metrdi quraıtyn, dıametri 1,5 metrlik 12 dana temirbetondy qadalar quıylǵan. Jobaǵa sáıkes, uzyndyǵy 87 metr, al eni 12 metrlik kópir qurylysy júrdi. Budan ózge, kópirdiń eki jaǵynan aıaqjol qarastyrylyp, kópirdiń astyna gabıondar ornalastyryldy. Qazirgi tańda kópir tolyǵymen aıaqtalyp, paıdalanýǵa berildi.
Sonymen qatar aǵymdaǵy jyly Ordabasy aýdanyndaǵy oblystyq mańyzy bar "О́zbekstan Respýblıkasy shekarasy-Shardara-Arys-Temirlan-M-32" avtomobıl joly boıyndaǵy "Badam" ózenindegi kópirge kúrdeli jóndeý jumystary júrgizildi.
Jobaǵa sáıkes, kópirdiń uzyndyǵy – 96,2 metr, eni – 10 metrdi quraıdy. 2020 jyldyń qazan aıynda kópir qurylysy tolyǵymen aıaqtalyp, paıdalanýǵa berildi. Aıta keterligi, jóndeý jumystarynyń sapasy tapsyrys berýshi, tehnıkalyq qadaǵalaýshy jáne "Ulttyq jol aktıvteri sapasy ortalyǵy" mekemesiniń Túrkistan oblysy fılıalynyń mamandary tarapynan turaqty baqylaýda boldy.
