Ekonomıka • 10 Qarasha, 2020

Prezıdent: Eýrazııalyq valıýtanyń konsýltasııalyq mehanızmin qurý kerek

261 ret

kórsetildi

1 mın

oqý úshin

Prezıdent Qasym-Jomart Toqaev beınekonferensııa rejiminde ótip jatqan Shanhaı Yntymaqtastyq Uıymyna múshe memleketter basshylaryn keńesiniń otyrysynda uıymǵa múshe elderdiń ózara esep aıyrysýda ulttyq valıýtalar úlesin arttyrýdy usyndy, dep habarlaıdy Egemen.kz

Aıym DÁÝIT

Prezıdent: Eýrazııalyq valıýtanyń konsýltasııalyq mehanızmin qurý kerek

"Proteksıonızmniń kúsheıýi men taýarlyq jetkizýler tizbeginiń úzilýi bizdiń uıymnyń ekonomıkalyq áleýetin ashý maqsatyn shuǵyl shara etip otyr. 2025 jylǵa deıingi ShYU-ny damytý strategııasyn júzege asyrý boıynsha is-qımyl josparyn bekitý ózara saýdanyń qalpyna kelýi men ulǵaıýyna yqpal etedi dep úmittenemiz", dedi Prezıdent.

Memleket basshysy atalǵan máseleni sheshý barysynda jobalyq qyzmetti qarjylandyrý tetikterin qurý boıynsha kelissózderdi jedeldetý qajet ekenin basa aıtty.

"Mundaı jumysqa ózara esep aıyrysýda ulttyq valıýtalar úlesin birtindep qamtamasyz etý boıynsha jol kartasyn qurý, sondaı-aq Eýrazııalyq qarjy konsýltasııalyq mehanızmin qurý tyń serpin berer edi", dedi Memleket basshysy.