Atalǵan fakti boıynsha tártip saqshylary jedel-izdestirý sharalaryna kirisip, ýchaskelik ınspektorlarmen birge jaqyn mańdaǵy barlyq aýmaqtardy aralap, kýágerlerden jaýap aldy. Mal tasymaldaıtyn avtokólikterdi jáne et, mal satatyn oryndardy muqııat tekserdi.
"Júrgizilgen jedel-izdestirý is-sharalarynyń nátıjesinde polısııa qyzmetkerleri qysqa merzimde mal urlyǵyna qatysty kúdiktini ustady. Ol 47 jastaǵy jergilikti turǵyn bolyp shyqty. Kúdikti kinásin tolyǵymen moıyndady. Tergeý barysynda ótken jyldyń aıaǵynan bastap qazirgi ýaqytqa deıin osy sharýa qojalyǵynyń aýmaǵynan 32 bas jylqy urlaǵany anyqtaldy. Kúdikti qazir ýaqytsha ustaý ızolıatoryna qamaldy. Sotqa deıingi tergeý amaldary júrgizilýde", dedi oblystyq Polısııa departamentiniń bastyǵy Saǵat Mádıev.
Sonymen qatar, urlanǵan jylqylardy satyp alǵan azamat ta anyqtaldy. Ol 12 bas jylqyny satyp alyp, 11 basyn qaıta satyp jibergen. Moıyndaý aıǵaqtary alynǵan zattaı dáleldemelermen rastaldy.
