Uıymdastyrýshylardyń aıtýynsha, eldegi konservatıvti otbasylar balalaryna basqa kasta men basqa senimdegi adamdarmen otaý qurýǵa ruqsat bermeıdi. Sońǵy jyldary jastar óz qalaýymen otbasy qura almaǵanyna qarsylyq tanytyp, qoǵamda úlken rezonans týǵan.
Jaqyn arada «Tanıshk» áshekeı kompanııasy eki túrli din ókiliniń úılengenin kórsetip, jarnama rolıgin túsirdi. Jarnamada birneshe mádenıettiń bir otbasynda kórinis tapqany unamasa kerek, sıýjet halyqtyń ashýyn týǵyzyp, talqylaýǵa ushyrady. Olardyń oıynsha, otbasy qurǵan eki tarap birdeı mádenıetti dáriptep, bir senimde bolýy kerek. Al jarnamadaǵy Batys pen Shyǵystyń qosyndysy bul qoǵamǵa jat. Jarnama jasaýshy kompanııa jarnama urany retinde «Tutastyq – áralýandyqta» deıdi. Degenmen bul ıdeıa qýdalanyp, jarnamanyń taratylýyna shekteý qoıyldy.
Úndistan belsendileri budan keıin áleýmettik jelini qoldanýdy jón kóredi. Blogerler men qoǵam belsendileri paraqshalarynda bir otbasynda eki mádenıetke oryn baryn, áıeli men eriniń bir kastadan bolýy shart emesin aıtýda. Belsendiler osylaısha qoǵamdaǵy agressııany toqtatýǵa tyrysatynyn bildirdi. «Biz tek óz oqıǵasymen bólisýge múmkindik beremiz. Eshkimdi raıynan qaıtaratyn oıymyz joq. Biraq qoǵam munyń qalypty ekenin túsinetin kez keldi», deıdi olar.
