Saılaýshylardyń turǵylyqty jeri boıynsha tizimin jergilikti atqarýshy organ jeke tulǵalar týraly memlekettik derekqordyń negizinde jasaıdy.
Saılaýshylar tizimine belsendi saılaý quqyǵy bar azamattar engiziledi.
Naqtyly saılaý ýchaskesinde azamatty saılaýshylar tizimine engizý úshin onyń osy saılaý ýchaskesiniń aýmaǵyndaǵy turǵylyqty jeri boıynsha tirkelý faktisi negiz bolyp tabylady.
Ýaqytsha tirkelgen azamattar turaqty tirkelgen jeri boıynsha tizimnen alyp tastala otyryp, saılaýshylar tizimderine ózderiniń jergilikti atqarýshy organǵa bergen ótinishi negizinde ózderin engizýge quqyly.
Eger saılaýshyǵa saılaýdan 10 jeltoqsannan keshiktirmeı onyń saılaý kúni ózi tirkelgen jerdegi daýys berýge arnalǵan úı-jaıǵa kelý múmkindigi bolmaıtyny belgili bolsa, ol ózi bolatyn jerdegi jergilikti atqarýshy organǵa ózin saılaýshylardyń tıisti tizimine engizý týraly jazbasha ótinish jasaýǵa quqyly. Jergilikti atqarýshy organ azamatty tirkelgen jeri boıynsha saılaýshylar tiziminen alyp tastaýdy jáne ony sol azamat daýys beretin ýchaskeniń saılaýshylar tizimine engizýdi uıymdastyrady.
Qurmetti saılaýshylar! Saılaý týraly Konstıtýsııalyq quqyǵyńyzdy júzege asyrý úshin – quqyqtyq belsendilik tanytyńyz!
Jergilikti atqarýshy organdardyń Call-ortalyqtaryna júginý arqyly ózińizdi saılaýshylar tiziminen tekserińiz.
Eger siz saılaýshylar tiziminde bolmasańyz, saılaýǵa deıin otyz kúnnen keshiktirmeı jergilikti atqarýshy organdarǵa jazbasha ótinish bere otyryp, ózińizdi qosý týraly qamqorlyq jasańyz.
