Túrkistan oblysynyń polıseıleri qoǵamdyq tynyshtyq pen qaýipsizdikti saqtaý syndy kezek kúttirmes qıyn da qaýipti qyzmetterimen birge, kúndelikti áleýmettik jelige de baqylaý jasap, saralap otyrady. Osyndaı kezekti monıtorıng júrgizý kezinde polıseıler, turǵyn óz kóliginiń memlekettik nómirin aınalatyn etip qaıta jabdyqtap alyp júrgeni jóninde beınejazbany anyqtady.
Atalǵan quqyq buzýshylyqty jasaǵan Toyota Camry markaly kóliktiń júrgizýshisin anyqtaý maqsatynda Túrkistan QPB-nyń qyzmetkerleri shuǵyl áreketke kiristi. Qajetti sharalardy iske asyra otyryp tez arada nátıjege jetti. Iаǵnı tekserý jumystary barysynda quqyq buzýshy jas júrgizýshi anyqtalyp, ol jaýapkershilikke tartyldy. Naqtyraq aıtsaq, júrgizýshige ÁQBtK-niń 590-babynyń 7-bólimi (Kólik quraldaryn paıdalaný qaǵıdalaryn buzý) boıynsha hattama toltyryldy. Atalǵan baptyń 7-bóliginde (Tıisti ruqsatsyz qaıta jabdyqtalǵan kólik quralyn basqarý – on bes AEK mólsherinde aıyppul salýǵa ákep soǵady) dep kórsetilgen.
О́z kezeginde Túrkistan oblysynyń polıseıleri júrgizýshilerdi osy tárizdi olqylyqtarǵa jol bermeýge shaqyrady. Qaıta jabdyqtaýdy da zańǵa sáıkes jasaý qajet. Qur maqtanyshqa salynyp, oıyna kelgendi isteýge bolmaıtyndyǵyn eskertedi. Odan bólek, jolda jyldamdyqty asyrmaýǵa, manevr jasaý qaǵıdalaryn buzbaýǵa, múmkindiginshe saqtyq sharalaryn qoldanyp kólik basqarýǵa keńes beredi. Joǵarydaǵydaı teris áreket jasap, óz ómirinen bólek, ózge de kólik júrgizýshilerine qaýip tóndirip, jol boıynda kedergi keltirýdiń sońy jaqsylyqqa aparmaıtynyn eskertedi.
