Bilim • 14 Qarasha, 2020

Nur-Sultanda "Bilim All IT" jańa oqý ortalyǵy ashyldy

144 ret kórsetildi

"Strong mothers NS" qoǵamdyq qory men elorda ákimdiginiń qoldaýymen Saryarqa aýdanynda "Bilim all IT" kompıýterlik saýattylyqqa oqytýdyń jańa ortalyǵyn ashty, dep habarlaıdy Egemen.kz

"Maqsat – kópbalaly, jalǵyzbasty, erekshe balalardy tárbıelep otyrǵan analarǵa kómektesý. Tamyz aıynan bastap biz Baıqońyr aýdanynda oqý ortalyǵyn ashtyq, qyzmetterge suranys joǵary boldy. Qazir biz osyndaı ortalyqty Saryarqa aýdanyndaǵy analardyń ótinishi boıynsha ashyp otyrmyz. Bizdiń mekemede balalar aqysyz bilim alady. Qosymsha kýrstar, shahmat, kórkemóner, dombyra úıirmeleri bar. Munda analar da aǵylshyn tilin jáne kompıýterlik saýattylyqty oqıdy. Taǵy bir maqsat - analarǵa arnalǵan aqparattyq qyzmetter, olardy ártúrli sheberlik synyptaryna shaqyrý. Ortalyqty ashýǵa qoldaý kórsetkeni úshin ákimdikke, qoǵamdyq qor múshelerine alǵysymdy bildiremin", deıdi "Strong mothers NS" qorynyń quryltaıshysy Uljan Myrzageldıeva.

IT kýrstarymen 250 adamdy qamtý josparlanǵan. Oqý ortalyǵy eki aýysymdyq rejimde jumys isteıdi. Karantın kezinde sanıtarlyq-epıdemııalyq standarttarǵa sáıkes uıymdaǵy úıirme jumystary oqý prosesine kedergi keltirmeý úshin demalys kúnderi ótkiziledi.

"Shamamen 200-250 balany qamtý josparlanǵan. Bizdiń mamandar jumyspen qamtý ortalyǵy arqyly kelgen jas muǵalimder. Barlyq sabaqtar sanıtarlyq normalardy saqtaı otyryp ótkiziledi", dedi "Strong mothers NS" qorynyń basshysy Raıgúl Serikbaeva.

Esterińizge sala keteıik, buǵan deıin birinshi Bilim All ortalyǵy Ýálıhanov, 3 mekenjaıy boıynsha ashylǵan. Onda barlyǵy 300-ge jýyq bala bar. Ortalyqta az qamtylǵan, kópbalaly jáne tolyq emes otbasylardan shyqqan jáne qoldaýdy qajet etetin otbasylardyń balalapy ártúrli kýrstarda aqysyz qosymsha bilim ala alady. Sonymen, ortalyqta kúndizgi toptar, orys, qazaq, aǵylshyn jáne arab tilderi kýrstary, matematıka, shahmat klýby, sheberhana, gıtara men dombyra úıirmeleri bar.

Bolashaqta Ortalyqtar master-klastar, psıhologııalyq trenıngter, zańgerlik keńester men qoldaýǵa muqtaj analarǵa kómektesý úshin kezdesýler ótkizýdi josparlap otyr.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar