Spıkerdiń sózinshe, bıyl ınternet ıgiligimen 46 eldi mekendi qamtý josparlanǵan. Búginde 24 aýylda aktıv mobıldik ınternet jelisine qosylǵan. Bul ıgilikke ózge de aýyldar qol jetkizý úshin aýyl turǵyndarynyń sany 250 nemese odan kóp bolýy shart.
"Aıta keteıik, aımaqta ınterneti joq 130 eldi meken bar. Sondyqtan onda ornalasqan 123 mekteptiń 113-i dástúrli oqýǵa kóshirilgen. 10 eldi mekendegi 10 mektep mobıldi operatorlary arqyly jumys jasaýda. Jyl bastalǵaly jalpy oblysta 442 mektepte 238 682 oqýshy bilim alýda. Sonyń ishinde birinshi toqsanda 229 mektepte 147 873 oqýshy qashyqtyqtan oqydy. Bul oblys oqýshylarynyń 62 paıyzyn quraıdy", dedi G.Hodjabergenova.
Sondaı-aq basqarma basshysy 213 mektepte 31 975 oqýshy dástúrli túrde bilim alǵanyn aıtty. Endi oqý jylynyń II toqsanynan bastap 1-5 synyp oqıtyn 59 090 oqýshy dástúrli oqýǵa kóshedi. Al 215 mektepte 144 108 oqýshy qashyqtyqtan bilim alatyn bolady.
