Aımaqtar • 15 Qarasha, 2020

"Dárigerlerge raqmet" fotokórmesi uıymdastyryldy

194 ret kórsetildi

Keýdesin oqqa tosqan jaýyngerlerdeı koronavırýs indetimen aldyńǵy shepte kúresip júrgen dárigerler qandaı da bolsyn, qurmetke laıyq. О́skemedik jastar aq halatty abzal jandarǵa qurmet retinde dárigerlerdiń fotosýretterinen turatyn kórme uıymdastyrdy, dep habarlaıdy Egemen.kz

N.Nazarbaev dańǵylyndaǵy jerústi ótkeline indetpen arpalysyp júrgen birqatar medısına qyzmetkerleriniń fotosýretteri ilinip, esimderi jazyldy. Olardyń ishinde dárigerler, medbıkeler, jedel járdem júrgizýshileri, feldsherler bar.

"Qala turǵyndary men qonaqtary koronovırýs ınfeksııasymen kúresip júrgen dárigerlerdi tanysyn degen oımen jerústi ótkelinde fotokórme uıymdastyrdyq. Árıne mýzeıde ótkizýge bolar edi. Biraq, eldegi jaǵdaıǵa baılanysty ol múmkin emes. Bir jaǵyna jer ústi ótkelimen ári-beri júretin halyq kóp", deıdi Aıbota Shańjyń.

Dárigerlerge qurmet kórsetip, esimderin tanytý maqsatyndaǵy kórmege Qazaqstan volonterlar lıgasynyń О́skemen qalasyndaǵy fılıaly men Jastar resýrstyq ortalyǵynyń belsendileri muryndyq boldy.    

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar