О́ńirde indettiń aldyn alý úshin halyqty epıdemııalyq jaǵdaıǵa baılanysty aqparattandyryp, shekteýlerdi túsindirý, bas sanıtarlyq dárigerdiń qaýlylaryndaǵy talaptardyń oryndalýyn qadaǵalaý maqsatynda arnaıy mobıldik monıtorıngtik toptar qurylǵan edi. Búginde Kókshetaý qalasynda 12 top bar. Buryn osy toptardyń quramynda bolǵan sanıtarlyq qyzmet ókilderi men medısınalyq qyzmetkerler qazir tek call-ortalyqtarda halyq tarapynan qoıylatyn saýaldarǵa jaýap berip, monıtorıngtik tekseris kezinde týyndaıtyn daýly jaǵdaılarda ǵana baratyn boldy.
Oblys ortalyǵynda sońǵy 10 kún ishinde 252 adam KVI-men tirkeldi. Qazirgi ýaqytta olarmen qarym-qatynasta bolǵan adamdar anyqtalýda. Indettiń órshýine baılanysty mobıldi toptar 3 qarasha kúni 48 nysandy tekserip, olardyń 10-ynda talap buzýshylyqtar oryn alǵanyn anyqtap otyr. Al 11 qarashadaǵy monıtorıngtik tekseris 73 nysandy qamtyp, onyń 4-eýinde talapqa moıynsunbaý jaǵdaıy kezikken.
«Shafran» dámhanasyna, Kókshetaý avtobýs parkine aıyppul salyndy. Saýda ortalyqtary men dúkender tekserilgende «Samal» saýda ornynyń jalpyǵa ortaq talapty buzǵany anyqtaldy.
El ishi indet qaýpin tolyq túısinbeı, tártip buzýdan tyıylmasa, qıynǵa soǵatyn túri bar.
Kókshetaý
