Aýyl áıelderiniń áleýmettik belsendiligi artýda

Quttyqtaýda aıtylǵandaı, búginde el halqynyń 40 paıyzdan astamy aýyldyq jerlerde turady, sondyqtan aýyl­dy damytý memlekettik saıa­sat­tyń basym baǵyty bolyp otyr. Bul rette áıelderdiń áleýe­tin kúsheı­­týge erekshe mán beri­ledi, jyl saıyn olardyń eko­nomı­kalyq belsendiligi men áleýmet­tik jaýap­kershiligi artyp ke­ledi. Buǵan búginde áıelder óz kásip­oryndaryn ashyp, sharýa qo­jalyqtaryn basqaryp, biregeı óndiristerdi iske qosyp, myńda­ǵan adamdy jumyspen qamtyp otyrǵany dálel.

О́z sózinde Lázzat Ramazanova agro­óner­kásiptik keshendi damy­tý­daǵy aýyl áıel­deriniń mańyzdy rólin atap ótti. «Qazaq­stan Pre­zıdenti Qasym-Jomart Toqaev óz Joldaýynda aýyl sharýa­shy­lyǵyn órkendetpeı básekege qabiletti ekonomıka qurý múmkin emes ekenin aıtyp, aýyl men agroónerkásiptik keshendi odan ári damytý boıynsha mańyzdy min­det­terdi aıqyndady. Bul mindetterdi iske asyrýda, árıne aýyl áıelderine úlken jáne jaýapty ról bólingen. Aýyl­daǵy áıelderdiń kásipkerlik bas­tama­laryn qoldaý túrli mem­lekettik baǵdar­lamalar arqyly júze­ge asyrylady. Búgin­de aýyl­daǵy shaǵyn, orta bıznes sýbek­­tileriniń jalpy sanynyń 42,2% áıelder basqarady», dedi L.Ramazanova.

Ulttyq komıssııa tóraǵasy otbasylyq dástúrlerdi saq­taý­daǵy aýyl áıelderi róliniń mańy­zyna toqtalyp, búginde aýylda 2 mln-ǵa jýyq otbasy (44,5%) turatyndyǵyn atap ótti.

«Ejelden otbasy qoǵamdaǵy birlik­tiń, beıbitshilik pen keli­simniń sımvoly bolǵan Qazaq­stan úshin bul óte mańyzdy. Son­dyq­tan elimizdiń barlyq óńirler­inde otbasy ınstıtýtyn nyǵaıtý jáne damytý maqsatynda júıeli ju­mys júrgizilýde. Aýyl áıel­derin ilgeriletýdiń negizgi máse­le­leri 2030 jyl­ǵa deıingi otba­sylyq jáne genderlik saıasat tu­jy­­rymdamasynda kórinis tap­qan», dedi L.Ramazanova.

Ol sondaı-aq pandemııa kezin­de qabyldanǵan memlekettik qol­daý sharalary aýyldaǵy kásipker áıelder úshin de mańyzdy ekenin atap ótti. Bul qaryzdar, kredıt­ter jáne salyqtar boıynsha ósim­­puldardy, aıyppuldardy joıý, memlekettik satyp alýlardy júr­gizý tártibin ońaılatý, bıýd­jetke tólenetin salyqtyq jáne ózge de tólemderdi keıin­ge qal­dyrý, salyqty esepteý men tó­leýdi 6 aıǵa kúshin joıý jáne basqa da birqatar shara­lar. Alaı­da obektıvti otbasy­lyq mán-jaılary men mindet­te­meleri bar áıelderdiń paıdasyna sheshýdi qajet etetin de máseleler bar.

Jyl saıynǵy aýyl áıel­deri­niń forýmy Parlament, máslı­hat depýtattary, ortalyq jáne jer­gilikti atqarýshy organdardyń ókilderi, aýdandar men aýyldyq okrýgterdiń ákimderi, aýyl sharýashylyǵy kásiporyn­dary­nyń basshylary men mamandary, aýyl ıntellıgensııasynyń ókilderi, qoǵamdyq uıymdardyń bel­sendileri qatysatyn aýyl áıelderiniń áleýmettik belsen­dili­gin arttyrýǵa baǵyttalǵan syn­darly dıalog alańyna aınal­dy.

L.Ramazanova forýmda aýyl men agroónerkásiptik keshendi damy­týdaǵy áıelderdiń rólin odan ári jandandyrý boıynsha birqatar naqty mindetterdi alǵa tartty. Sondaı-aq forýmda jyldyń úzdik belsendileri – aza­mattyq qoǵam, bıznes jáne agro­ónerkásiptik keshen, BAQ ókilderi, sondaı-aq aýyldyq jerlerdi damytýǵa úles qosyp júrgen úzdik aýyl eń­bek­kerleri anyqtaldy. Sonymen qatar «Asqar shyńdarǵa tý tikken aýyl áıel­deri/100 ıstorıı ýspeha selskıh jenshın» atty kitabynyń tusaýkeseri ótti.

Forýmnyń uıymdas­tyrý­shylary men resmı seriktesteri retinde Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demo­grafııalyq saıa­sat jónindegi ulttyq komıs­sııa­nyń jáne Coca-Cola halyq­ara­lyq qorynyń, EQYU-nyń Nur-Sul­tan­daǵy Baǵdarlamalar ofı­siniń qol­daýymen «Jasyl ekono­mıka jáne G-Global-dy da­mytý Koalısııasy ZTB, «EXPO&WOMEN» QM, «Qazaq­stan áıel­deriniń agrarlyq odaǵy» ZTB, «Áleýmettik dınamıka» qory bir­lese jumys atqaryp keledi.