1974 jyly týǵan Qyzyljar aýdanynyń turǵyny oblys ortalyǵynyń Jambyl kóshesi boıyndaǵy úılerdiń birinde jergilikti turǵyndardyń belgili bir somaǵa qasıetti jerlerge shyǵýyn uıymdastyryp otyrǵan.
Turǵylyqty jeri boıynsha adamdardy qabyldap, adyraspanmen jáne shıpaly sýmen jan-tándi tazalaý, ata-baba arýaqtaryna tabyný sııaqty QR aýmaǵynda tyıym salynǵan okkýltik-mıstıkalyq aǵymǵa tán basqa da emdeý tásilderin qoldanǵan.
Soltústik Qazaqstan oblysy PD Ekstremızmge qarsy is-qımyl basqarmasynyń bastyǵy Rýslan Jarasbaevtyń aıtýynsha, soltústikqazaqstandyqqa qatysty QR ÁQBtK 489-baby 10-b. (Qazaqstan Respýblıkasynyń zańnamasynda belgilengen tártippen tirkelmegen, sol sııaqty qyzmeti toqtatyla turǵan nemese oǵan tyıym salynǵan qoǵamdyq, dinı birlestikterdiń qyzmetine qatysý) boıynsha ákimshilik hattama toltyryldy. Oǵan 25 aılyq eseptik kórsetkish mólsherinde aıyppul salyndy.
Aıta keteıik, Almaty qalasynyń Mamandandyrylǵan aýdanaralyq sotynyń 2009 jylǵy sheshimimen “Ata joly” (“Aq jol”) JShS qyzmetine Qazaqstan Respýblıkasy aýmaǵy boıynsha tyıym salynǵan.
