Shyǵys Qazaqstan oblysy Tótenshe jaǵdaılar departamenti baspasóz qyzmetiniń málimetinshe, 17 qarasha kúni saǵat 11.29-da Kúrshim aýylyndaǵy Býntovskıh kóshesinde ornalasqan tehnıkalyq qyzmet kórsetý stansasyn qyzyl jalyn sharpydy.
"Shatyrdyń aǵash qurylymdary órtengen. Oqıǵa ornyna dereý jetken órt sóndirýshiler jalpy aýmaǵy 130 sharshy metrdi quraǵan tilsiz jaýdy aýyzdyqtady. Aldyn ala málimet boıynsha ottyń shyǵý sebebi – elektr jabdyqtaryn ornatý jáne paıdalaný kezinde órt qaýipsizdigi erejelerin saqtamaýdan bolýy múmkin", dep habarlady vedomstvo ókilderi.
Jalyndy óshirýge jeke quramnan 14 adam men 2 tehnıka jumyldyrylǵan.
