Foto: Vıdeodan alynǵan kadr
Apattyq-dıspetcherlik qyzmettiń málimetinshe, atalǵan úı ortalyqtandyrylǵan ystyq sý júıesine qosylǵan. Alaıda úsh páterdiń ıesi óz betinshe gazben sý jylytqysh qurylǵylaryn ornatqan. Sonymen qatar murjalar durys ornatylmaǵan: qubyrlar qaýipsizdik erejelerine sáıkes shatyr deńgeıinen joǵary emes, qabyrǵa arqyly júrgizilgen.
Mamandardyń aıtýynsha, murjada tartylys bolmaǵandyqtan, ýly gaz bólme ishine qaıta taralýy múmkin. Sondaı-aq ýly gaz páterler arasyndaǵy jeldetkish kanaldar nemese qurylys sańylaýlary arqyly kórshi páterlerge de jaıylǵan bolýy yqtımal degen boljam bar.
«Eger páterler arasynda qandaı da bir sańylaýlar bolsa, ýly gaz soǵan tartylyp ketýi múmkin. Bir páter úshinshi qabatta, ekinshisi onyń ústinde tórtinshi qabatta, al úshinshisi dál qabyrǵalas ornalasqan», dedi «QazaqGaz Aimaq» fılıalynyń bólim bastyǵy Nurbek Rahmanov.
Eske sala keteıik, qaıǵyly jaǵdaı 3 naýryzda Baıtursynov kóshesindegi kóp qabatty úılerdiń birinde boldy. Bir podezden tórt adamnyń máıiti tabylǵan edi. Qazirgi ýaqytta sot-medısınalyq saraptama taǵaıyndaldy, sońǵy sheshim qorytyndydan keıin belgili bolady.
